മൂത്രക്കല്ല് അഥവാ കിഡ്നി സ്റ്റോണ് ഇന്ന് ലോകമെമ്പാടും വർധിച്ചുവരുന്ന ആരോഗ്യപ്രശ്നമാണ്. അസഹനീയമായ വേദന ഉണ്ടാക്കുന്ന ഇവ ഒരിക്കൽ വന്നവർക്ക് വീണ്ടും വരാനുള്ള സാധ്യത വളരെ കൂടുതലാണ്.
ഒരിക്കൽ വൃക്കയിൽ കല്ല് വന്ന പകുതിയോളം പേർക്കും പത്ത് വർഷത്തിനുള്ളിൽ അത് വീണ്ടും വരാൻ സാധ്യതയുണ്ടെന്നാണ് ആരോഗ്യ വിദഗ്ധര് പറയുന്നത്
കിഡ്നി സ്റ്റോണ് വരാൻ സാധ്യതയുള്ളവര്ക്ക് സാധാരണ കൊടുക്കുന്ന ഉപദേശം ധാരാളം വെള്ളം കുടിക്കുക എന്നതാണ്.
Whatsapp Group 1 | Whatsapp Group 2 |Telegram Group
ശരീരത്തിലെ ജലാംശം വർധിപ്പിക്കുന്നത് മൂത്രം നേർപ്പിക്കാനും കല്ലുണ്ടാക്കുന്ന ധാതുക്കൾ അടിഞ്ഞുകൂടുന്നത് തടയാനും സഹായിക്കുമെന്നായിരുന്നു ഇതുവരെയുണ്ടായിരുന്ന വിശ്വാസം.
എന്നാൽ ഈ ധാരണ തെറ്റാണെന്നാണ് പ്രശസ്ത വൈദ്യശാസ്ത്ര മാസികയായ ദ ലാൻസെറ്റിൽ (The Lancet) 2026-ൽ പ്രസിദ്ധീകരിച്ച പുതിയ പഠനം പറയുന്നത്.
1,600-ലധികം ആളുകളിൽ നടത്തിയ പഠനമനുസരിച്ച്, വെള്ളം കുടിക്കുന്നതിന്റെ അളവ് ഗണ്യമായി വർധിപ്പിച്ചത് കൊണ്ട് മാത്രം വൃക്കയിൽ കല്ല് വീണ്ടും ഉണ്ടാകാനുള്ള സാധ്യത കുറയുന്നില്ല.
വെള്ളം കുടിക്കുന്നതിനേക്കാൾ ശരീരം എത്രത്തോളം മൂത്രം പുറന്തള്ളുന്നു എന്നതിലാണ് കാര്യമെന്ന് വിദഗ്ധർ ചൂണ്ടിക്കാട്ടുന്നു. ദിവസം കുറഞ്ഞത് 2.5 ലിറ്റർ മൂത്രം ശരീരത്തിൽ നിന്ന് പുറത്തുപോകുന്നുണ്ടെങ്കിൽ മാത്രമേ കല്ലുകളെ ഫലപ്രദമായി പ്രതിരോധിക്കാൻ സാധിക്കൂ.
വൃക്കയിലെ കല്ലുകൾ ഉണ്ടാകുന്നത് വെറും ജലാംശത്തിന്റെ കുറവ് കൊണ്ട് മാത്രമല്ല. ഭക്ഷണരീതിയും ജീവിതശൈലിയും ഇതിൽ വലിയ പങ്ക് വഹിക്കുന്നുണ്ട്. ഒരിക്കൽ കല്ല് വന്ന പകുതിയോളം പേർക്കും പത്ത് വർഷത്തിനുള്ളിൽ അത് വീണ്ടും വരാൻ സാധ്യതയുണ്ടെന്ന് കണക്കുകൾ സൂചിപ്പിക്കുന്നു. അതിനാൽ, ഒരു സമഗ്രമായ പ്രതിരോധ രീതിയാണ് ആവശ്യം.
.
