കല്പ്പറ്റ: മുണ്ടക്കൈ-ചൂരല്മല മേഖലയിലെ ദുരിതബാധിതർക്കായി ഏപ്രില്, മെയ്, ജൂണ് മാസങ്ങളിലേക്കുള്ള ഉപജീവന ബത്ത അനുവദിച്ച് ഉത്തരവ് പുറത്തിറക്കി.
ഇതിനായി മൊത്തം 3,19,95,000 രൂപ ദുരന്തനിവാരണ വകുപ്പ് വയനാട് ജില്ലാ കളക്ടറുടെ അക്കൗണ്ടിലേക്ക് കൈമാറി.
ജൂണ് മാസം വരെയുള്ള ഉപജീവന ബത്ത നല്കുമെന്നായിരുന്നു സര്ക്കാര് നേരത്തേ അറിയിച്ചിരുന്നത്. അതിന് ശേഷം ദുരന്തബാധിതരെ പുനരധിവസിപ്പിക്കും എന്നാണ് സര്ക്കാര് അറിയിച്ചിരുന്നത്.
Whatsapp Group 1 | Whatsapp Group 2 |Telegram Group
ദുരന്തത്തെ തുടർന്ന് വരുമാനം നഷ്ടപ്പെട്ട കുടുംബങ്ങള്ക്ക് പ്രതിദിനം 300 രൂപ വീതമാണ് ബത്തയായി ലഭിക്കുക. ക്യാമ്പുകളിലും വാടകവീടുകളിലും കഴിയുന്നവർക്കാണ് ഈ സഹായം ലഭ്യമാകുന്നത്.
തുക വൈകാതെ തന്നെ അർഹരായവർക്കു വിതരണം ചെയ്യണമെന്ന് ജില്ലാ ഭരണകൂടത്തിന് സർക്കാർ നിർദേശം നല്കിയിട്ടുണ്ട്. അതിനുശേഷം ദുരിതബാധിതരുടെ പുനരധിവാസ നടപടികള് വേഗത്തിലാക്കാനാണ് സർക്കാർ ലക്ഷ്യമിടുന്നത്.
