മലപ്പുറം: തമിഴ്നാട് വാല്പ്പാറ അപകടത്തില് പരിക്കേറ്റ നാലുപേരും ചികിത്സയില് തുടരുന്നു.
കോയമ്പത്തൂർ മെഡിക്കല് കോളേജില് ചികിത്സയിലുള്ള നൗഷാദ് അലി, മുഹമ്മദ് ഫായിസ് എന്നിവരുടെ ആരോഗ്യനില ഗുരുതരമായി തുടരുകയാണ്.
ഇരുവരും നിരീക്ഷണത്തിലാണെന്നും തീവ്രപരിചരണ വിഭാഗത്തില് ചികിത്സ തുടരുകയാണെന്നുമാണ് അധികൃതര് അറിയിക്കുന്നത്.
കോയമ്പത്തൂര് മെഡിക്കല് കോളേജില് തന്നെ ചികിത്സയിലുള്ള സഹദിൻ മുഹമ്മദിനെ വാര്ഡിലേക്ക് മാറ്റി. അതേസമയം, പെരിന്തല്മണ്ണയിലെ സ്വകാര്യ ആശുപത്രിയില് ചികിത്സയിലുള്ള മസ്നിനെ വാർഡിലേക്ക് മാറ്റി.
Whatsapp Group 1 | Whatsapp Group 2 |Telegram Group
മസ്നിന്റെ ആരോഗ്യനില തൃപ്തികരമാണെന്ന് ഡോക്ടര്മാര് അറിയിച്ചു.
ഇതിനിടെ, വാല്പ്പാറ അപകടത്തില് പരിക്കേറ്റവർക്ക് ആവശ്യമായ സഹായങ്ങള് നല്കണമെന്ന് പ്രതിപക്ഷ നേതാവ് വി ഡി സതീശൻ ആവശ്യപ്പെട്ടു. പരിമിതികള്ക്കുള്ളില് നിന്ന് ചെയ്യാൻ പറ്റുന്നത് തങ്ങളും ചെയ്യുമെന്നും വി ഡി സതീശൻ മാധ്യമങ്ങളോട് പറഞ്ഞു.
മലപ്പുറം പാങ്ങ് പള്ളിപ്പറമ്പ് ഗവണ്മെന്റ് എല്പി സ്കൂളില് നിന്നുള്ള വിനോദയാത്രാ സംഘം സഞ്ചരിച്ച വാൻ വെള്ളിയാഴ്ച വൈകുന്നേരം 5.20ന് ആണ് വാല്പ്പാറ ചുരം റോഡില് 300 അടി താഴ്ചയിലേക്ക് മറിഞ്ഞത്.
