എറണാകുളം: കുംഭമേള വൈറല് താരത്തിൻ്റെ വിവാദ വിവാഹത്തില് പെണ്കുട്ടിയുടെയും ഭർത്താവിന്റെയും മൊഴി രേഖപ്പെടുത്താൻ മധ്യപ്രദേശ് പൊലീസ് കൊച്ചിയിലെത്തി.
കഴിഞ്ഞ മാർച്ച് 11-ന് തിരുവനന്തപുരത്തെ അരുമാനൂർ ശ്രീ നൈനാർ ദേവ ക്ഷേത്രത്തില് വെച്ചായിരുന്നു കുംഭമേള വൈറല് താരത്തിന്റെ വിവാഹം. വിവാഹസമയത്ത് പെണ്കുട്ടിക്ക് പ്രായപൂർത്തിയായിരുന്നില്ല എന്ന ദേശീയ പട്ടികവർഗ്ഗ കമ്മീഷൻ്റെ കണ്ടെത്തലിനെത്തുടർന്നാണ് മധ്യപ്രദേശ് പൊലീസ് ഫർമാൻ ഖാനെതിരെ പോക്സോ കേസെടുത്തത്.
കൊച്ചിയിലെ പൊലീസ് ഉദ്യോഗസ്ഥരുടെ സാന്നിധ്യത്തിലായിരിക്കും ഇരുവരുടെയും മൊഴി രേഖപ്പെടുത്തുന്നത്. അതേസമയം വൈറല് താരത്തിന്റെ വൈറല് വിവാഹത്തെ ചൊല്ലി വിവാദം കത്തുകയാണ്.
Whatsapp Group 1 | Whatsapp Group 2 |Telegram Group
2009 ഡിസംബർ 30-നാണ് പെണ്കുട്ടി ജനിച്ചതെന്ന് മധ്യപ്രദേശിലെ ആശുപത്രി രേഖകള് വ്യക്തമാക്കുന്നു. വിവാഹത്തിനായി വ്യാജ ജനന സർട്ടിഫിക്കറ്റ് നിർമ്മിച്ചതായും കമ്മീഷൻ റിപ്പോർട്ടിലുണ്ട്. ഇതോടെയാണ് ഫർമാൻ ഖാനെതിരെ പോക്സോ നിയമപ്രകാരം കേസെടുത്തത്. വിഷയത്തില് കേരള, മധ്യപ്രദേശ് ഡിജിപിമാരോട് ഡല്ഹിയില് ഹാജരാകാൻ കമ്മീഷൻ നിർദ്ദേശം നല്കിയിരുന്നു.
കഴിഞ്ഞ 11 ന് രാവിലെ എട്ട് മണിക്ക് പിതാവ് ജയ്സിംഗ്, സുഹൃത്ത് മുഹമ്മദ് ഫര്മാന് എന്നിവര്ക്കൊപ്പമാണ് പെണ്കുട്ടി തമ്പാനൂര് പൊലീസ് സ്റ്റേഷനില് എത്തിയതെന്ന് പൊലീസ് റിപ്പോര്ട്ടില് പറയുന്നു. തുടര്ന്ന് പെണ്കുട്ടിയും ഫര്മാനും സംയുക്തമായി പരാതി എഴുതി നല്കി.
