തിരുവനന്തപുരം: നിയമസഭാ തെരഞ്ഞെടുപ്പിനോട് അനുബന്ധിച്ച് പ്രഖ്യാപിച്ച സപ്ലൈകോയിലെ പ്രത്യേക ഓഫര് ഇന്ന് അവസാനിക്കും.
ഏപ്രില് 9ന് നടക്കുന്ന നിയമസഭാ തെരഞ്ഞെടുപ്പില് വോട്ട് രേഖപ്പെടുത്തുന്നവർക്ക് ഒരു രൂപയ്ക്ക് ഒരു കിലോ ശബരി പുട്ടു പൊടി നല്കുമെന്നാണ് സപ്ലൈകോ അറിയിച്ചിരുന്നത്. വോട്ട് ചെയ്തതിന്റെ തെളിവായി വിരലിലെ മഷിയടയാളം പരിശോധിച്ച ശേഷമായിരിക്കും പുട്ടുപൊടി നല്കുക.
വോട്ട് ചെയ്യാൻ പ്രോത്സാഹിപ്പിക്കുന്നതിനായിട്ടായിരുന്നു ഈ ഓഫർ. തെരഞ്ഞെടുപ്പ് ബോധവത്കരണത്തിന്റെ ഭാഗമായാണ് ജില്ലാ ഭരണകൂടം, സ്വീപ്, സപ്ലൈകോ എന്നിവ സംയുക്തമായി ‘വോട്ടു ചെയ്യൂ, പുട്ടടിക്കൂ’ എന്ന ടാഗ് ലൈനില് ക്യാമ്പെയിൻ അവതരിപ്പിച്ചത്.
Whatsapp Group 1 | Whatsapp Group 2 |Telegram Group
വോട്ട് രേഖപ്പെടുത്തിയ ശേഷം ഏപ്രില് 10, 11 തീയതികളില് സപ്ലൈകോ ഔട്ട്ലെറ്റുകളില് എത്തുന്നവർക്കാണ് ഈ ഓഫർ. സപ്ലൈകോയില് നിന്ന് 1000 രൂപയ്ക്ക് മുകളില് സബ്സിഡിയില്ലാത്ത സാധനങ്ങള് വാങ്ങണം എന്ന നിബന്ധന കൂടിയുണ്ട്.
