ഷൊർണൂർ: മകന്റെ അടിയേറ്റ് ചികിത്സയിലായിരുന്ന പിതാവ് മരിച്ചു. കൂനത്തറ കാവുങ്കര വീട്ടിൽ ഉണ്ണിക്കൃഷ്ണൻ (63) ആണ് തൃശ്ശൂർ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ബുധനാഴ്ച രാത്രി അന്തരിച്ചത്. സംഭവവുമായി ബന്ധപ്പെട്ട് മകൻ മനോജിനെ പൊലിസ് അറസ്റ്റ് ചെയ്തു.
തിങ്കളാഴ്ച പുലർച്ചെ കൂനത്തറ കിഴക്കേ ത്രാങ്ങാലിയിലുള്ള വീട്ടിലായിരുന്നു നാടിനെ നടുക്കിയ സംഭവം നടന്നത്. മദ്യലഹരിയിലായിരുന്ന മനോജും പിതാവും തമ്മിൽ വാക്കേറ്റമുണ്ടാവുകയും,
തുടർന്ന് വീടിനകത്തുണ്ടായിരുന്ന വടിയെടുത്ത് മനോജ് പിതാവിന്റെ തലയ്ക്കടിക്കുകയുമായിരുന്നു. ആക്രമണസമയത്ത് ഇവർ രണ്ടുപേരും മാത്രമാണ് വീട്ടിലുണ്ടായിരുന്നത്.
Whatsapp Group 1 | Whatsapp Group 2 |Telegram Group
അടിയേറ്റ് വീണ ഉണ്ണിക്കൃഷ്ണൻ ഗുരുതരാവസ്ഥയിലായതോടെ മനോജ് തന്നെ സഹോദരനെ വിവരമറിയിച്ചു. തുടർന്ന് സഹോദരനെത്തിയാണ് ഉണ്ണിക്കൃഷ്ണനെ ആശുപത്രിയിൽ പ്രവേശിപ്പിച്ചത്. മനോജിനെ തിങ്കളാഴ്ച വൈകീട്ടോടെ തന്നെ ഷൊർണൂർ പൊലിസ് കസ്റ്റഡിയിലെടുത്തിരുന്നു.
