യുവ സംവിധായകൻ നിതീഷ് സുധ അന്തരിച്ചു; വിയോഗം ആദ്യ ചിത്രം പുറത്തിറങ്ങാനിരിക്കെ

കോഴിക്കോട്: യുവ സംവിധായകൻ നിതീഷ് സുധ (32) അന്തരിച്ചു. പനിയെത്തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സയിൽ ഇരിക്കെയായിരുന്നു അന്ത്യം.

Link

Embed

Copy and paste this HTML code into your webpage to embed.

മലപ്പുറം കോട്ടക്കൽ പെരുമണ്ണ കഞ്ഞിക്കുഴിങ്ങര സ്വദേശിയായ നിതീഷ്, കിഴക്കേപുരക്കൽ നാരായണൻ-സുധ ദമ്പതികളുടെ മകനാണ്.

നടൻ ഇർഷാദ് അലി നായകനാകുന്ന ‘പൊടിവാശി’ എന്ന ചിത്രത്തിലൂടെ സ്വതന്ത്ര സംവിധായകനായി അരങ്ങേറ്റം കുറിക്കാനുള്ള ഒരുക്കത്തിലായിരുന്നു നിതീഷ്.

ചിത്രത്തിന്റെ റിലീസിംഗ് ജോലികൾ പുരോഗമിക്കുന്നതിനിടെയാണ് അപ്രതീക്ഷിത വിയോഗം. സിനിമയ്ക്ക് പുറമെ രാഷ്ട്രീയ-സാമൂഹിക രംഗങ്ങളിലും നിതീഷ് സജീവമായിരുന്നു.

സിപിഎം പെരുമണ്ണ മോസ്‌കോ ബ്രാഞ്ച് അംഗമായും ഡിവൈഎഫ്ഐ പെരുമണ്ണ മുൻ മേഖലാ കമ്മിറ്റി അംഗമായും പ്രവർത്തിച്ചിട്ടുണ്ട്. സംസ്‌കാരം ഇന്ന് വൈകിട്ട് വീട്ടുവളപ്പിൽ നടക്കും. സഹോദരി: ശ്രീകുട്ടി.