വയനാട്: വയനാട്ടില് ബൈക്കപകടത്തില് പരിക്കേറ്റ് ചികിത്സയിലിരുന്ന മധ്യവയസ്കൻ മരിച്ചു. മീനങ്ങാടി മണങ്ങുവയല് കൊന്നക്കാട്ടുവിളയില് സൈദലവി (57) ആണ് മരിച്ചത്.
മീനങ്ങാടി 53-ല് വെച്ച് കഴിഞ്ഞ ദിവസമാണ് അപകടം നടന്നത്. കാല്നടയാത്രികനായിരുന്ന സൈദലവിയെ ബൈക്ക് വന്നിടിക്കുകയായിരുന്നു. തെറിച്ചുവീണ് ഗുരുതരമായി പരിക്കേറ്റ ഇദ്ദേഹത്തെ നാട്ടുകാര് മേപ്പാടിയിലെ സ്വകാര്യ മെഡിക്കല് കോളേജ് ആശുപത്രിയിലെത്തിച്ചു. ഇവിടെ തീവ്ര പരിചരണ വിഭാഗത്തില് ചികിത്സയിലിരിക്കെയാണ് സൈദലവി മരണത്തിന് കീഴടങ്ങിയത്.
