തിരുവനന്തപുരം: ശബരിമല സ്വർണ്ണക്കൊള്ള കേസില് റിമാൻഡിലായി സ്വകാര്യ ആശുപത്രിയില് കഴിയുന്ന ദേവസ്വം ബോർഡ് മുൻ അംഗം കെ.പി. ശങ്കരദാസിനെ തിരുവനന്തപുരം മെഡിക്കല് കൊളേജിലേക്ക് മാറ്റി.
തിരുവനന്തപുരത്തെ എസ്പി മെഡിഫോര്ട്ട് ആശുപത്രിയില് ചികിത്സയില് കഴിയുന്ന അദ്ദേഹത്തെ ഇന്നലെയാണ് കൊല്ലം വിജിലന്സ് കോടതി ജഡ്ജി ആശുപത്രിയിലെത്തി റിമാന്ഡ് ചെയ്തത്. മെഡിക്കല് കോളജിലെ വിദഗ്ധ ഡോക്ടര്മാരുടെ സംഘം പരിശോധിച്ച ശേഷമായിരുന്നു ശങ്കരദാസിനെ മാറ്റുന്ന കാര്യത്തില് അന്തിമ തീരുമാനമെടുത്തത്.
കഴിഞ്ഞദിവസമാണ് ശബരിമല സ്വര്ണക്കൊള്ള കേസിലെ 11-ാം പ്രതിയായ കെപി ശങ്കരദാസിനെ എസ്ഐടി സംഘം അറസ്റ്റ് ചെയ്തത്. രാത്രി അന്വേഷണ ഉദ്യോഗസ്ഥൻ എസ്പി ശശിധരൻ ആശുപത്രിയിലെത്തി അറസ്റ്റ് രേഖപ്പെടുത്തുകയായിരുന്നു. ശങ്കരദാസിന്റെ അറസ്റ്റ് വൈകുന്നതിനെയും ആശുപത്രിവാസത്തെയും കഴിഞ്ഞ ദിവസം ഹൈക്കോടതി വിമര്ശിച്ചിരുന്നു. മകൻ എസ്പിയായതുകൊണ്ടാണ് ശങ്കരദാസ് ആശുപത്രിയില് കഴിയുന്നതെന്നായിരുന്നു കോടതി വിമര്ശനം. ഇതിനുപിന്നാലെയാണ് ശങ്കരദാസിനെ എസ്ഐടി അറസ്റ്റ് ചെയ്തത്.
Whatsapp Group 1 | Whatsapp Group 2 |Telegram Group