പാലക്കാട് : അട്ടപ്പാടിയില് കര്ഷകൻ കീടനാശിനി കുടിച്ച് ആത്മഹത്യ ചെയ്തു. പുലിയറ സ്വദേശി ഗോപാലകൃഷ്ണനാണ് ജീവനൊടുക്കിയത്. താന് വിഷം കഴിച്ചുവെന്ന് അട്ടപ്പാടിയിലുള്ള സഹോദരനോട് ഗോപാലകൃഷ്ണന് ഫോണില് വിളിച്ച് പറയുകയായിരുന്നു.
കാലിലെ അസുഖത്തിന് ചികിത്സക്ക് പണം കണ്ടെത്താൻ കഴിയാത്തതും ബാങ്കിലെ ലോണ് ജപ്തി നടപടിയായതിനാല് ഭൂമി വില്ക്കാൻ ശ്രമിച്ചെങ്കിലും തണ്ടപ്പേർ കിട്ടാത്തതിനാല് വില്ക്കാൻ കഴിഞ്ഞില്ല. ഇതിൻ്റെ മനോവിഷമത്തിലായിരുന്നു ഗോപാലകൃഷ്ണനെന്നാണ് കുടുംബം പറയുന്നത്.
മൂപ്പില് നായര് കുടുംബത്തില് നിന്നാണ് ഗോപാലകൃഷ്ണന്റെ കുടുംബം ഭൂമി വാങ്ങിയത്. അനധികൃത വില്പ്പനയെന്ന് കാട്ടി പരാതികള് ഉയര്ന്നതോടെ, മൂപ്പില് നായരുടെ കുടുംബം വില്പ്പന നടത്തിയ ഭൂമികളിലെ റവന്യൂ നടപടികള് ജില്ലാ കളക്ടര് തടഞ്ഞിരുന്നു. ഇതാണ് ഗോപാലകൃഷ്ണന് തണ്ടപ്പേര് ലഭിക്കാതിരുന്നതിന് കാരണം.
Whatsapp Group 1 | Whatsapp Group 2 |Telegram Group