പാലക്കാട്: പാലക്കാട് എച്ച് എസ് എസ് കണ്ണാടിയിലെ ഒൻപതാം ക്ലാസ് വിദ്യാർത്ഥിയെ ആത്മഹത്യ ചെയ്ത നിലയിൽ കണ്ടെത്തിയ സംഭവത്തിൽ വിശദമായ അന്വേഷണം നടത്തി റിപ്പോർട്ട് സമർപ്പിക്കാൻ മന്ത്രി വി ശിവൻകുട്ടി പൊതുവിദ്യാഭ്യാസ ഡയറക്ടർക്ക് നിർദേശം നല്കി.
സംഭവത്തില് ആരോപണ വിധേയരായ അധ്യാപികമാർക്കെതിരെ അന്വേഷണാടിസ്ഥാനത്തിൽ നടപടികള് കൈക്കൊള്ളുവാൻ സ്കൂള് മാനേജർക്ക് നിർദ്ദേശം നല്കാൻ പൊതു വിദ്യാഭ്യാസ ഡയറക്ടറെ ചുമതലപ്പെടുത്തി.
9-ാം ക്ലാസ് വിദ്യാര്ത്ഥി അര്ജുനാണ് ആത്മഹത്യ ചെയ്തത്. ക്ലാസ് അധ്യാപിക അര്ജുനെ നിരന്തരം മാനസികമായി പീഡിപ്പിക്കാറുണ്ടെന്നാണ് ആരോപിച്ച് കുടുംബം രംഗത്തെത്തിയിരുന്നു. ഇന്സ്റ്റാഗ്രാമില് സഹപാഠികൾ തമ്മില് മെസേജ് അയച്ചതിന് അധ്യാപിക അര്ജുനെ ഭീഷണിപ്പെടുത്തിയെന്നാണ് കുടുംബം നല്കിയ പരാതിയില് പറയുന്നത്. കുഴല്മന്ദം പൊലീസിലാണ് അര്ജുന്റെ കുടുംബം പരാതി നല്കിയത്.
Whatsapp Group 1 | Whatsapp Group 2 |Telegram Group