കൊച്ചി: കൊച്ചിയില്‍ പോക്സോ കേസില്‍ കപ്യാർ അറസ്റ്റില്‍. കാക്കനാട് തുതിയൂർ വ്യാകുല മാതാ പള്ളിയിലെ കപ്യാർ ഷാജി ജോസഫാണ് അറസ്റ്റിലായത്.
കുറ്റകൃത്യം അറിഞ്ഞിട്ടും മറച്ചുവച്ചതിന് പള്ളി വികാരിക്കെതിരെയും കേസെടുത്തു.
12 വയസുകാരിക്കെതിരെയായ പീഡന ശ്രമത്തെ തുടർന്നാണ് കേസ്.
കഴിഞ്ഞ മാസം 16-നായിരുന്നു സംഭവം. പെരുന്നാളിനോടനുബന്ധിച്ച്‌ ഡാൻസ് പ്രാക്ടീസിന് ശേഷം വിശ്രമിക്കുമ്ബോഴായിരുന്നു പീഡന ശ്രമം.
പ്രശ്നം പരിഹരിക്കാൻ മധ്യസ്ഥത വഹിച്ചതിനാണ് പള്ളി വികാരിക്കെതിര തൃക്കാക്കര പൊലീസ് കേസെടുത്തത്.