തിരുവനന്തപുരം: എക്‌സിക്യൂട്ടീവ് എഞ്ചിനീയർ തസ്തികയിലാണ് പുതിയ ഒഴിവ് വന്നിട്ടുള്ളത്.
കേരള സർക്കാരിന്റെ സെന്റർ ഫോർ മാനേജ്‌മെന്റ് ഡെവലപ്‌മെന്റ് മുഖേനയാണ് റിക്രൂട്ട്‌മെന്റ്.
കരാർ അടിസ്ഥാനത്തില്‍ താല്‍ക്കാലിക നിയമനമാണ് ഇപ്പോള്‍ നടത്തുന്നത്. 60 വയസ് വരെയാണ് പ്രായപരിധി നിശ്ചയിച്ചിട്ടുള്ളത്.
സിവില്‍ എഞ്ചിനീയറിങ്ങില്‍ ബിഇ/ ബിടെക് അല്ലെങ്കില്‍ തത്തുല്യം ഉള്ളവർക്ക് അപേക്ഷിക്കാം. അംഗീകൃത യൂണിവേഴ്‌സിറ്റിക്ക് കീഴിലുള്ള യോഗ്യത മാത്രമേ പരിഗണിക്കൂ.
പിഡബ്ല്യൂഡിയിലോ മറ്റ് പൊതുമേഖല സ്ഥാപനങ്ങളിലോ എക്‌സിക്യൂട്ടീവ് എഞ്ചിനീയറായി 5 വർഷത്തെ ജോലി പരിചയം ആവശ്യപ്പെടുന്നുണ്ട് . അല്ലെങ്കില്‍ സമാനമായ സ്ഥാപനങ്ങളില്‍ 7 വർഷം അസിസ്റ്റന്റ് എഞ്ചിനീയറായി ജോലി ചെയ്തവരോ ആയിരിക്കണം. അപേക്ഷകരില്‍ നിന്ന് യോഗ്യത മാനദണ്ഡങ്ങള്‍ പാലിക്കുന്നവരെ ഉള്‍പ്പെടുത്തി ലിസ്റ്റ് തയ്യാറാക്കിയ ശേഷം എഴുത്ത് പരീക്ഷയോ, ഇന്റർവ്യൂവോ നടത്തിയാണ് നിയമനം നടത്തുക.
അപേക്ഷ സമർപ്പിക്കുന്നതിനായി സിഎംഡി വെബ്‌സൈറ്റ് https://cmd.kerala.gov.in/ സന്ദർശിക്കുക. ഹോം പേജിലെ നോട്ടിഫിക്കേഷൻ ലിങ്കില്‍ റിക്രൂട്ട്‌മെന്റ് സെക്ഷൻ തിരഞ്ഞെടുക്കുക. കെഎസ്‌ആർടിസി- എക്‌സിക്യൂട്ടീവ് എഞ്ചിനീയർ തസ്തിക സെലക്‌ട് ചെയ്ത് നേരിട്ട് അപേക്ഷിക്കാം.