പിക്കപ്പ് വാനും സ്വകാര്യ ബസും കൂട്ടിയിടിച്ച് ഞാലിയാകുഴി സ്വദേശിയായ പിക്കപ്പ് വാൻ ഡ്രൈവർക്ക് പരിക്ക്: അപകടം കോട്ടയം വെള്ളുത്തുരുത്തിയിൽ മൂഴിപ്പാറ ബസുമായി കൂട്ടിയിടിച്ച്

കോട്ടയം: പനച്ചിക്കാട് വെള്ളുത്തുരുത്തിയില്‍ പിക്കപ്പ് വാനും സ്വകാര്യ ബസും കൂട്ടിയിടിച്ചു. അപകടത്തില്‍ പിക്കപ്പ് ഡ്രൈവര്‍ക്ക് പരുക്ക്.

ഞാലിയാകുഴി സ്വദേശിയായ ഡ്രൈവര്‍ക്കാണു പരുക്കേറ്റത്.
ഇയാളെ ആശുപത്രിയില്‍ പ്രവേശിപ്പിച്ചു. ഇന്നു രാവിലെ ഏഴരയോടെയായിരുന്നു അപകടം.

വാകത്താനം ഭാഗത്തു നിന്നും കോട്ടയത്തേയ്ക്കു വരികയായിരുന്നു പിക്കപ്പ് വാന്‍.
ഈ വാന്‍ എതിര്‍ ദിശയില്‍ നിന്നും എത്തിയ മൂഴിപ്പാറ ബസില്‍ ഇടിയ്ക്കുകയായിരുന്നു.

ഇടിയുടെ ആഘാതത്തില്‍ പിക്കപ്പ് വാനിന്റെ മുന്‍ ഭാഗം പൂര്‍ണമായും തകര്‍ന്നു.
നാട്ടുകാര്‍ ചേര്‍ന്നാണ് പരുക്കേറ്റയാളെ ആശുപത്രിയില്‍ എത്തിച്ചത്