മാളികപ്പുറം ടീമൊരുക്കിയ ചിത്രം ‘സുമതി വളവ്’ സൂപ്പർ ഹിറ്റിലേക്ക്. റിലീസ് ചെയ്ത് രണ്ടാം ദിനത്തിൽ തന്നെ കേരളത്തില്‍ നിന്ന് മാത്രം രണ്ടു കൊടിയില്പരം കളക്ഷനും വേള്‍ഡ് വൈഡ് ഒരു കൊടിയില്പരം രൂപയും നേടിയെടുത്തു.
കുടുംബ പ്രേക്ഷകരുടെ അഭൂതപൂർവമായ തിരക്കാണ് സുമതി വളവിനു ലഭിക്കുന്നത്.
രണ്ടു ദിനം കൊണ്ട് അഞ്ചരകോടിയിലധികം ഗ്രോസ് കളക്ഷൻ വേള്‍ഡ് വൈഡ് നേടിയ ചിത്രം പ്രേക്ഷക ഹൃദയം കീഴടക്കി മുന്നേറുകയാണ്. കുട്ടികളുടെയും മുതിർന്നവരുടെയും പ്രിയ ചിത്രമായി ഇത് മാറി. രണ്ടാം ദിനവും ഹൗസ്ഫുള്‍, ഫാസ്റ്റ് ഫില്ലിംഗ് ഷോകൾക്കൊപ്പം അഡിഷണല്‍ ഷോകളും ഹൗസ് ഫുള്ളായിരുന്നു. സമീപകാലത്തു കുടുംബ പ്രേക്ഷകർ ഇരു കൈയും ചേർത്ത് സ്വീകരിച്ച ഫണ്‍ ഹൊറർ ഫാമിലി എന്റർടൈനറാണ് സുമതി വളവ്.
Whatsapp Group 1 | Whatsapp Group 2 |Telegram Group
ശ്രീ ഗോകുലം ഗോപാലന്റെ ശ്രീ ഗോകുലം മൂവീസ്, മുരളി കുന്നുംപുറത്തിന്റെ വാട്ടർമാൻ ഫിലിംസ് എന്നിവർ ചേർന്നാണ് സുമതി വളവിന്റെ നിർമ്മാണം. വിഷ്ണു ശശി ശങ്കർ സംവിധാനം ചെയ്യുന്ന സുമതി വളവിന്റെ തിരക്കഥ അഭിലാഷ് പിള്ളയും, സംഗീത സംവിധാനം രഞ്ജിൻ രാജും നിർവഹിക്കുന്നു. ശ്രീ ഗോകുലം മൂവീസിന്റെ വിതരണ പങ്കാളിയായ ഡ്രീം ബിഗ് ഫിലിംസാണ് സുമതിവളവിന്റെ കേരളത്തിലെ വിതരണം നിർവഹിക്കുന്നത്.
അർജുൻ അശോകൻ, ബാലു വർഗീസ്, ഗോകുല്‍ സുരേഷ്, സൈജു കുറുപ്പ്, സിദ്ധാർഥ് ഭരതൻ, ശ്രാവണ്‍ മുകേഷ്, നന്ദു, മനോജ്‌ കെയു, ശ്രീജിത്ത്‌ രവി, ബോബി കുര്യൻ, അഭിലാഷ് പിള്ള, ശ്രീപഥ് യാൻ, ജയകൃഷ്ണൻ, കോട്ടയം രമേശ്‌, സുമേഷ് ചന്ദ്രൻ, ചെമ്ബില്‍ അശോകൻ, വിജയകുമാർ, ശിവ അജയൻ, റാഫി, മനോജ്‌ കുമാർ, മാസ്റ്റർ അനിരുദ്ധ്, മാളവിക മനോജ്‌, ജൂഹി ജയകുമാർ, ഗോപിക അനില്‍, ശിവദ, സിജ റോസ്, ദേവനന്ദ, ജെസ്‌നിയ ജയദീഷ്, സ്മിനു സിജോ, ഗീതി സംഗീത, അശ്വതി അഭിലാഷ് എന്നിവരാണ് സുമതി വളവിലെ പ്രധാന കഥാപാത്രങ്ങളെ അവതരിപ്പിക്കുന്നത്.
സുമതിവളവിന്റെ ഓഡിയോ റൈറ്റ്സ് കരസ്ഥമാക്കിയത് മ്യൂസിക് 24 x7 ആണ്. ദി പ്ലോട്ട് പിക്‌ചേഴ്‌സാണ് സുമതി വളവിന്റെ ഓവർസീസ് വിതരണാവകാശികള്‍. ശങ്കർ പി.വി ഛായാഗ്രഹണം നിർവഹിക്കുന്ന സുമതിവളവിന്റെ എഡിറ്റർ ഷഫീഖ് മുഹമ്മദ് അലിയാണ്. സൗണ്ട് ഡിസൈനർ എം.ആർ. രാജാകൃഷ്ണൻ, ആർട്ട് അജയ് മങ്ങാട്, പ്രൊഡക്ഷൻ കണ്‍ട്രോളർ ഗിരീഷ് കൊടുങ്ങല്ലൂർ, ചീഫ് അസ്സോസിയേറ്റ് ഡയറക്റ്റർ ബിനു ജി നായർ, വസ്ത്രാലങ്കാരം സുജിത്ത് മട്ടന്നൂർ, മേക്കപ്പ് ജിത്തു പയ്യന്നൂർ, സ്റ്റില്‍സ് രാഹുല്‍ തങ്കച്ചൻ, ടൈറ്റില്‍ ഡിസൈൻ ശരത് വിനു, വിഎഫ്‌എക്സ് : ഐഡന്റ് വിഎഫ്‌എക്സ് ലാബ്, പി ആർ ഓ : പ്രതീഷ് ശേഖർ.
