നോയിഡ: ലാവ ബ്ലേസ് ഡ്രാഗൺ സ്മാർട്ട്‌ഫോൺ ജൂലൈ 25ന് ഇന്ത്യയിൽ പുറത്തിറക്കുമെന്ന് സ്ഥിരീകരണം. ഈ ഡിവൈസിനൊപ്പം, അതേ മാസം തന്നെ ലാവ ബ്ലേസ് അമോലെഡ് 2 അവതരിപ്പിക്കാനും കമ്പനി പദ്ധതിയിടുന്നു. എങ്കിലും ലാവ ബ്ലേസ് അമോലെഡ് 2-വിന്‍റെ കൃത്യമായ ലോഞ്ച് തീയതി ഇതുവരെ പ്രഖ്യാപിച്ചിട്ടില്ല. ലാവ ബ്ലേസ് ഡ്രാഗണിന്‍റെ രൂപകൽപ്പനയും വിൽപ്പന വിശദാംശങ്ങളും അതിന്‍റെ ഔദ്യോഗിക റിലീസിന് മുമ്പ് വെളിപ്പെടുത്തിയിട്ടുണ്ട്. ലാവ ബ്ലേസ് ഡ്രാഗണിന്‍റെ ചോർന്ന വിവരങ്ങൾ ഓൺലൈനിലും പ്രത്യക്ഷപ്പെട്ടു.
ജൂലൈ 25ന് ഉച്ചയ്ക്ക് ഇന്ത്യൻ സമയം 12 മണിക്ക് ലാവ ബ്ലേസ് ഡ്രാഗൺ ഇന്ത്യയിൽ ലോഞ്ച് ചെയ്യുമെന്ന് ആമസോണിലെ മൈക്രോസൈറ്റ് സ്ഥിരീകരിക്കുന്നു. ഈ ഡിവൈസിന്‍റെ പ്രധാന വിൽപ്പന പ്ലാറ്റ്‌ഫോം ആമസോൺ ആയിരിക്കും. ചതുരാകൃതിയിലുള്ള ഡ്യുവൽ റിയർ ക്യാമറ യൂണിറ്റുള്ള ഗോൾഡൻ നിറത്തിലാണ് ഈ ഫോൺ കാണിച്ചിരിക്കുന്നത്. സ്മാർട്ട്‌ഫോണിൽ 50 മെഗാപിക്സൽ എഐ പിന്തുണയുള്ള പ്രൈമറി റിയർ സെൻസർ ഉണ്ടായിരിക്കും.
അതേസമയം, ടിപ്‌സ്റ്റർ മുകുൾ ശർമ്മ (@stufflistings) ലാവ ബ്ലേസ് ഡ്രാഗണിന്‍റെ ചിത്രങ്ങളും പ്രധാന സവിശേഷതകളും പങ്കിട്ടു . ചോർന്ന ചിത്രങ്ങളിൽ ഈ ഹാൻഡ്‌സെറ്റ് കറുപ്പ് നിറത്തിൽ, റെയിൻബോ നിറമുള്ള പിൻ ക്യാമറ മൊഡ്യൂളിൽ കാണിക്കുന്നു. ഫോൺ ഒരു സ്‌നാപ്ഡ്രാഗൺ 4 ജെൻ 2 SoC ഉപയോഗിച്ച് പ്രവർത്തിക്കുമെന്നും 128 ജിബി യുഎഫ്‌എസ് 3.1 ഓൺബോർഡ് സ്റ്റോറേജിനെ പിന്തുണയ്ക്കുമെന്നും ടിപ്‌സ്റ്റർ പറയുന്നു.
Whatsapp Group 1 | Whatsapp Group 2 |Telegram Group
ലാവ ബ്ലേസ് ഡ്രാഗൺ 4 ജിബി + 128 ജിബി, 6 ജിബി + 128 ജിബി റാം, സ്റ്റോറേജ് കോൺഫിഗറേഷനുകളിൽ ലഭ്യമാകും എന്ന് എക്സ് ഉപയോക്താവ് പ്രതീക് ടണ്ടൻ (@pratik_tandon) പങ്കിട്ട ചിത്രങ്ങൾ സൂചിപ്പിക്കുന്നു. ഈ ഹാൻഡ് സെറ്റിന്‍റെ മുൻവശത്ത് 8-മെഗാപിക്സൽ സെൻസർ ഉണ്ടായിരിക്കാൻ സാധ്യതയുണ്ട്. 18 വാട്സ് വയർഡ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററിയാണ് സ്മാർട്ട്‌ഫോണിൽ ഉണ്ടായിരിക്കുക.
ബ്ലേസ് ഡ്രാഗണിനൊപ്പം ലാവ ബ്ലേസ് അമോലെഡ് 2 പുറത്തിറക്കുമെന്ന് പ്രതീക്ഷിക്കുന്നു. മീഡിയടെക് ഡൈമെൻസിറ്റി 6300 ചിപ്‌സെറ്റ്, 33W ഫാസ്റ്റ് ചാർജിംഗുള്ള 5,000mAh ബാറ്ററി, 6.67 ഇഞ്ച് 120Hz 3D കർവ്ഡ് അമോലെഡ് ഡിസ്‌പ്ലേ, 64MP പ്രൈമറി സെൻസറുള്ള ഡ്യുവൽ റിയർ ക്യാമറ സജ്ജീകരണം എന്നിവ വാഗ്ദാനം ചെയ്യുന്ന ലാവ ബ്ലേസ് അമോലെഡ് 5G-ക്ക് പകരമായി ഈ മോഡൽ എത്തുമെന്ന് പ്രതീക്ഷിക്കുന്നു.
