എം വി ഗോവിന്ദൻ പറഞ്ഞത് അര്‍ദ്ധസത്യം, ഇന്ത്യൻ രാഷ്ട്രീയത്തിന്റെ പല ദശാസന്ധികളിലും സിപിഎം ആര്‍എസ്‌എസുമായി സഖ്യം ചേര്‍ന്നു: എം വി ഗോവിന്ദൻ്റെ വിവാദ പരാമർശങ്ങളില്‍ പ്രതികരണവുമായി സന്ദീപ് വാര്യര്‍

മലപ്പുറം: എം വി ഗോവിന്ദൻ്റെ ആർഎസ്‌എസുമായി ബന്ധപ്പെട്ടുള്ള വിവാദ പരാമർശങ്ങളില്‍ പ്രതികരണവുമായി കോണ്‍ഗ്രസ് നേതാവ് സന്ദീപ് വാര്യർ.

എംവി ഗോവിന്ദൻ പറഞ്ഞത് അർദ്ധസത്യമാണെന്ന് സന്ദീപ് വാര്യർ പ്രതികരിച്ചു. ഇന്ത്യൻ രാഷ്ട്രീയത്തിന്റെ പല ദശാസന്ധികളിലും സിപിഎം ആർഎസ്‌എസുമായി സഖ്യം ചേർന്നു. തൃശ്ശൂർ തെരഞ്ഞെടുപ്പില്‍ അടക്കം ആർഎസ്‌എസ്- സിപിഎം ബന്ധം പൊതുസമൂഹത്തിന് മനസ്സിലായതാണെന്നും സന്ദീപ് വാര്യർ പ്രതികരിച്ചു.

എംവി ഗോവിന്ദന് എം സ്വരാജിനോട് എന്തോ വൈരാഗ്യം ഉണ്ടെന്നു തോന്നുന്നു. പാലക്കാട് നിശബ്ദ പ്രചാരണത്തിന്റെ ദിവസം എന്റെ ആർഎസ്‌എസ് ബന്ധം പറഞ്ഞ പരസ്യം കൊടുത്ത ആള്‍ക്കാരാണ് സിപിഎം.

സിപിഎമ്മും ആർഎസ്‌എസും തമ്മില്‍ പൊക്കിള്‍ കൊടി ബന്ധമാണ്. രണ്ടുപേരുടെയും കോണ്‍ഗ്രസ് വിരുദ്ധ രാഷ്ട്രീയമാണെന്നും സന്ദീപ് വാര്യർ പറഞ്ഞു.