ഹിമാചൽ പത്രിഘട്ടിൽ ബസ് അപകടം: 25 പേർക്ക് പരിക്ക്

ഹിമാചൽപ്രദേശ്: പത്രിഘട്ടിൽ സ്വകാര്യബസ് താഴ്ചയിലേക്ക് മറിഞ്ഞ് അപകടം. 25 പേർക്ക് പരിക്കേറ്റു.

ഇന്ന് രാവിലെ ജഹൂവിൽ നിന്ന് മണ്ഡിയിലേക്ക് പോവുകയായിരുന്ന ബസ് പത്രിഘട്ടിൽ എത്തിയപ്പോൾ 200 മീറ്റർ താഴ്ച്ചയിലേക്ക് മറിയുകയായിരുന്നു.

അപകടം സംഭവിച്ച ഉടനെ സമീപവാസികളും പോലീസും രക്ഷാപ്രവർത്തനത്തിനായി എത്തി. പരിക്കേറ്റവരെ ഉടൻ തന്നെ സമീപത്തെ ആശുപത്രികളിലേക്ക് മാറ്റി.

അപകടത്തിന്റെ കാരണം വ്യക്തമായിട്ടില്ല. ശക്തമായ മഴയും റോഡിന്റെ മോശമായ അവസ്ഥയുമാണ് അപകടത്തിലേക്ക് നയിച്ചത് എന്നാണ് പ്രാഥമിക നിഗമനം. അതേസമയം, ഡ്രൈവറുടെ അശ്രദ്ധയോ വാഹനത്തിലെ യാന്ത്രിക തകരാറുമൂലമാണോ അപകടകാരണമെന്ന് പോലീസ് പരിശോധിച്ചു വരികയാണ്.