കുവൈത്ത്‌ സിറ്റി: കാമുകിയെ തടഞ്ഞുവെച്ച്‌ ബലാത്സംഗം ചെയ്ത് കൊലപ്പെടുത്തിയ കേസിൽ കുവൈത്തി പൗരന് ക്രിമിനല്‍ കോടതി വധശിക്ഷ വിധിച്ചു. യുവതിയെ കൊലപ്പെടുത്തിയ ശേഷം പ്രതി മൃതദേഹം ഒരു ബാഗിലാക്കി വീടിന് പുറത്തേക്ക് കൊണ്ടുപോകുകയായിരുന്നു.
പബ്ലിക് പ്രോസിക്യൂഷനെ പ്രതിനിധീകരിച്ച്‌ അഡ്വക്കേറ്റ് ഫാരിസ് ഹുസൈൻ അല്‍-ദബ്ബൂസ് ഹാജരായി. പ്രതിയെ കുറ്റക്കാരനായി പ്രഖ്യാപിക്കണമെന്നും പരമാവധി ശിക്ഷ നല്‍കണമെന്നും അദ്ദേഹം കോടതിയില്‍ അഭ്യർത്ഥിച്ചു. കോടതിയില്‍ വാദങ്ങള്‍ ബോധിപ്പിക്കവെ പ്രതി ഇരയുടെ സ്വകാര്യത ലംഘിച്ചതായി അല്‍ ദബ്ബൂസ് ചൂണ്ടിക്കാട്ടി. ഈ വാദങ്ങള്‍ പരിഗണിച്ചാണ് കോടതി വിധി പറഞ്ഞത്.
