കോട്ടയം: ന്യൂഡല്ഹിയിലെ ജവാഹർ ലാല് നെഹ്റു യൂണിവേഴ്സിറ്റി (ജെഎൻയു) സ്കൂള് ഓഫ് ബയോടെക്നോളജി (എസ്ബിടി) ജൂണ് രണ്ടുമുതല് 13 വരെ നടത്തുന്ന ജിനോമിക് എൻജിനിയറിങ് ആൻഡ് മോളിക്യുലാർ ഡയഗ്നോസ്റ്റിക്സ് സമ്മർ സ്കൂളിലേക്ക് ഇന്റേണ്ഷിപ്പിന് അവസരം.
ജിനോമിക് എൻജിനിയറിങ് പ്രോഗ്രാമിന് കീഴില് ജിനോമിക് റിസർച്ച്, മോളിക്യുലാർ ഡയഗ്നോസ്റ്റിക്സ് എന്നീ മേഖലയില് അവശ്യം വേണ്ട ഗവേഷണ ടെക്നിക്കുകളുടെ പരിചയപ്പെടുത്തല്, പ്രായോഗിക പരിശീലനം, പ്രഗല്ഭരായ ശാസ്ത്രജ്ഞരുടെ പ്രഭാഷണങ്ങള് എന്നിവ ഉണ്ടാകും.
യോഗ്യത
Whatsapp Group 1 | Whatsapp Group 2 |Telegram Group
ബിഎസ്സി/എംഎസ്സി/ബിടെക്/എംടെക് കോഴ്സുകളില് രാജ്യത്തെ ഏതൊരു കോളേജിലും/സർവകലാശാലയിലും/ സ്ഥാപനത്തിലും പഠിച്ചു കൊണ്ടിരിക്കുന്നവർക്ക് അപേക്ഷിക്കാം. ബിരുദ പ്രോഗ്രാം രണ്ടാം വർഷം, മാസ്റ്റേഴ്സ് പ്രോഗ്രാം ഒന്നാം വർഷം എന്നിവയില് പഠിക്കുന്നവർക്ക് മുൻഗണനയുണ്ട്.
താല്പര്യമുള്ളവർ www.jnu.ac.in/sbt വെബ്സെെറ്റ് സന്ദർശിച്ച് വിജ്ഞാപനം അപേക്ഷ ഫോം എന്നിവ കാണുക. പൂരിപ്പിച്ച അപേക്ഷയും അനുബന്ധ രേഖകളും ഒരു പിഡിഎഫ് ഫയലാക്കി സ്കാൻ ചെയ്ത് ഏപ്രില് 30-നകം ലഭിക്കത്തക്കവിധം വിജ്ഞാപനത്തിലുള്ള ഇമെയില് വിലാസത്തിലേക്ക് അയക്കണം. തിരഞ്ഞെടുക്കപ്പെടുന്നവരെ മേയ് അഞ്ചിനകം ഇ-മെയിലില് വിവരം അറിയിക്കും.
കോട്ടയം ഐഐഐടി
ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി (ഐഐഐടി) -കോട്ടയം, ഫെയർ ആൻഡ് അക്കൗണ്ടബിള് കംപ്യൂട്ടിങ് സൊല്യൂഷൻസ് ദാറ്റ് ആർ ട്രാൻസ്പരൻറ് വിത്ത് സോഷ്യോളജിക്കല് ആൻഡ് ഹ്യൂമണിസ്റ്റിക് ഇൻസൈറ്റ്സ് (എഫ്എസിടിഎസ് – എച്ച്) ലബോറട്ടറി നടത്തുന്ന ഇന്റേണ്ഷിപ്പ് പ്രോഗ്രാമിലേക്ക് യോഗ്യരായവർക്ക് അപേക്ഷിക്കാം. എട്ടുമുതല് 12 ആഴ്ചകള്വരെയാണ് പ്രോഗ്രാമിന്റെ കാലാവധി.
റെസ്പോണ്സിബിള് എഐ, ഡിജിറ്റല് ഹ്യുമാനിറ്റീസ്, ഡാറ്റാ പ്രൈവസി ആൻഡ് സെക്യൂരിറ്റി, എക്സ്പ്ലെയിനബിള് മെഷീൻ ലേണിങ്, സോഷ്യല്/ഇക്കണോമിക്/ക്ലൈമറ്റ് നെറ്റ് വർക്ക് അനാലിസിസ് എന്നിവ അടങ്ങുന്ന മേഖലകളിലാണ് അവസരം.
നിബന്ധനകള്ക്ക് വിധേയമായി സ്കോളർഷിപ്പ് സൗകര്യവും ലഭ്യമാണ്. ഇന്റേണ്ഷിപ്പ് പൂർത്തിയാക്കുന്നവർക്ക് ഇന്റേണ്ഷിപ്പ് സർട്ടിഫിക്കറ്റ് നല്കും.
യോഗ്യത: ബിടെക്/ബിഇ/ബിഎസ്സി/ബിസിഎ/ബിഎ അല്ലെങ്കില് എംടെക്/എംഇ/എംഎസ്സി/എംസിഎ/എംഎ വിദ്യാർഥികള് ആയിരിക്കണം.
factsh.iiitkottayam.ac.in/intern സന്ദർശിച്ച് ഏപ്രില് 20 വരെ അപേക്ഷ നല്കാം. വിശദമായ വിജ്ഞാപനം, അപേക്ഷ നിബന്ധനകള് എന്നിവ വെബ്സെെറ്റിലുണ്ട്. ഏപ്രില് 25-ന് പ്രോഗ്രാം തുടങ്ങും.
