കൊച്ചി: ചാനൽ ചർച്ചയിലെ വിദ്വേഷ പരാമർശവുമായി ബന്ധപ്പെട്ട് രജിസ്റ്റർ ചെയ്ത കേസിൽ ബിജെപി നേതാവ് പിസി ജോർജിന് ഹൈക്കോടതിയുടെ രൂക്ഷ വിമര്ശനം. മുന് ജാമ്യവ്യവസ്ഥ പിസി ജോര്ജ് ലംഘിച്ചുവെന്നും ഇതിന് മുന്പും സമാന കുറ്റകൃത്യം നടത്തിയിട്ടുണ്ടെന്ന് ഹൈക്കോടതി വിമർശിച്ചു.
പിസി ജോര്ജിന്റെ പരാമര്ശം ഗൗരവതരമാണ്. ജോര്ജ് ഒരു മുതിര്ന്ന രാഷ്ട്രീയ നേതാവാണ്. അബദ്ധങ്ങള് ആവര്ത്തിക്കുന്നുവെന്നും ഹൈക്കോടതി കൂട്ടിച്ചേർത്തു.
അതേസമയം സമാനമായ നാല് കുറ്റകൃത്യങ്ങള് പിസി ജോര്ജിനെതിരെ രജിസ്റ്റര് ചെയ്തിട്ടുണ്ടെന്ന് പോലീസ് അറിയിച്ചു. അവയെല്ലാം പ്രകോപനപരമായ പരാമര്ശമാണ് പിസി ജോര്ജ് നടത്തിയതെന്നും പോലീസ് പറഞ്ഞു.
Whatsapp Group 1 | Whatsapp Group 2 |Telegram Group
കഴിഞ്ഞ ജനുവരി അഞ്ചിന് നടന്ന ചാനൽ ചർച്ചയിൽ മുസ്ലിം വിരുദ്ധ പരാമർശം നടത്തിയെന്ന പരാതിയിൽ മതസ്പർദ്ധ വളർത്തൽ, കലാപാഹ്വാനം തുടങ്ങിയ ജാമ്യമില്ലാ വകുപ്പുകൾ ചുമത്തിയായിരുന്നു പി സി ജോർജിനെതിരെ ഈരാറ്റുപേട്ട പോലീസ് കേസെടുത്തത്.
