തൊഴിലുറപ്പ് ജോലിക്കിടെ അണലിയുടെ കടിയേറ്റു ; ചികിത്സയിലായിരുന്നു മുണ്ടക്കയം സ്വദേശിനി മരിച്ചു

കോട്ടയം : തൊഴിലുറപ്പ് ജോലിക്കിടെ പാമ്പുകടിയേറ്റ മുണ്ടക്കയം സ്വദേശിനിയായ മധ്യവയസ്ക മരിച്ചു. കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം.

മുണ്ടക്കയം ചുണ്ടവിളയിൽ സി.എം.യൂസഫിന്റെ ഭാര്യ നബീസ (54) ആണ് മരിച്ചത്.

കഴിഞ്ഞ ഡിസംബർ 30-ന്  തൊഴിലുറപ്പ് ജോലിക്കിടയിൽ നബീസയുടെ കയ്യിൽ അണലിയുടെ കടി ഏൽക്കുകയായിരുന്നു.

ഖബറടക്കം വ്യാഴാഴ്‌ച വൈകിട്ട് നാലിന് മുണ്ടക്കയം വരിക്കാനി മുസ്ലിം ജമാഅത്ത് ഖബർസ്ഥാനിൽ.

മക്കൾ:റസിയാ, റംസിയാ. മരുമക്കൾ: സദ്ദാം, ഷംനാദ്.