എറണാകുളത്ത് വാട്ടര്‍ മെട്രോ ബോട്ടുകള്‍ കൂട്ടിയിടിച്ച്‌ അപകടം; ഒരു ബോട്ട് പിന്നോട്ടെടുത്തപ്പോള്‍ മറ്റൊരു ബോട്ടില്‍ ഇടിക്കുകയായിരുന്നു

കൊച്ചി: എറണാകുളത്ത് വാട്ടർ മെട്രോ ബോട്ടുകള്‍ കൂട്ടിയിടിച്ച്‌ അപകടം.

ഹൈക്കോർട്ട് സ്റ്റേഷനില്‍ നിന്നും പുറപ്പെട്ട ബോട്ടും ഫോർട്ട് കൊച്ചിയില്‍ നിന്നും പുറപ്പെട്ട ബോട്ടും തമ്മിലാണ് കൂട്ടിയിടിച്ചത്.

ഒരു ബോട്ട് പിന്നോട്ടെടുത്തപ്പോള്‍ മറ്റൊരു ബോട്ടില്‍ ഇടിക്കുകയായിരുന്നു. ബോട്ട് ഉലഞ്ഞത് ആളുകളെ പരിഭ്രാന്തരാക്കി.

അപകടത്തില്‍ ആർക്കും പരിക്കില്ല. അപകടത്തിന്റെ കാരണമെന്താണെന്ന് അന്വേഷിക്കണമെന്ന് ആവശ്യപ്പെട്ട് യാത്രക്കാർ ബോട്ടില്‍ പ്രതിഷേധം രേഖപ്പെടുത്തി.