വികസന മുരടിപ്പിനെതിരെ പ്രതിഷേധിക്കാനെത്തിയ യൂത്ത് കോൺ​ഗ്രസ് പ്രവർത്തകൻ നിഷാദ് തലശ്ശേരിയെ സിപിഎം പ്രവർത്തകർ മർദ്ദിച്ചെന്ന് പരാതി; പോലീസിനെതിരെ യൂത്ത് കോൺഗ്രസ്‌ പ്രവർത്തകർ പ്രതിഷേധവുമായി രം​ഗത്ത്

ഷൊർണ്ണൂർ: ചെറുതുരുത്തിയിൽ വികസന മുരടിപ്പിനെതിരെ പ്രതിഷേധിക്കാനെത്തിയ യൂത്ത് കോൺ​ഗ്രസ് പ്രവർത്തകൻ നിഷാദ് തലശ്ശേരിയെ സിപിഎം പ്രവർത്തകർ മർദ്ദിച്ചെന്ന് പരാതി.

മർദ്ദനത്തിൽ നിഷാദ് തലശ്ശേരിക്ക് പരിക്കേറ്റു. സംഭവത്തെ തുടർന്ന് ചെറുതുരുത്തിയിൽ കോൺഗ്രസ്‌ പ്രവർത്തകർ പ്രതിഷേധിച്ചു. സ്ഥലത്ത് സംഘർഷവസ്ഥ നിലനിൽക്കുകയാണ്.

പോലീസിനെതിരെ യൂത്ത് കോൺഗ്രസ്‌ പ്രവർത്തകർ പ്രതിഷേധവുമായി രം​ഗത്തെത്തി. അതേസമയം, പോലീസിനു മുന്നിൽ വച്ചായിരുന്നു മർദ്ദനമെന്ന് നിഷാദ് പറഞ്ഞു.

പരിക്കേറ്റ നിഷാദിനെ ആംബുലൻസിൽ കൊണ്ടുപോയി. അതിനിടെ, സ്ഥലത്ത് എത്തിയ പോലീസിന് നേരെയും റോഡ് ഉപരോധിച്ചും കോൺഗ്രസ്‌ പ്രതിഷേധിക്കുകയാണ്.