കോട്ടയത്ത്‌ നടുറോഡിൽ കാളയെ കുളിപ്പിച്ച് കർഷകരുടെ പ്രതിഷേധം: അപകടങ്ങൾ നിരവധി, പരാതി നൽകിയിട്ടും റോഡിലെ കുഴി നികത്താൻ അധികാരികൾ തയ്യാറായില്ല

കോട്ടയം: റോഡിലെ കുഴിയടക്കാൻ വ്യത്യസ്ത സമരവുമായി കർഷകർ. കോട്ടയം ജില്ലയിലെ കീഴൂർ- ഞീഴൂർ റോഡിലാണ് വ്യത്യസ്‌ത സമരവുമായി കർഷകർ റോഡിലേയ്ക്ക് ഇറങ്ങിയത്.

Link

Embed

Copy and paste this HTML code into your webpage to embed.

കർഷകനായ പി.ടി. ചാക്കോയാണ് തന്റെ കാളവണ്ടിയുമായി വന്ന് കാളകളെ റോഡിൽ കുളിപ്പിച്ച് വ്യത്യസ്തമായ രീതിയിൽ സമരം ചെയ്തത്. റോഡിലെ വലിയ കുഴികൾ കാരണം കാളവണ്ടിക്ക് പോലും സഞ്ചരിക്കാൻ സാധിക്കുന്നില്ലെന്നാണ് ചാക്കോയുടെ വാദം.

ദിവസേന റോഡിൽ വാഹനാപകടങ്ങൾ പതിവാണ്. പല പ്രാവിശ്യം അധികാരികൾക്ക് പരാതി നൽകിയിട്ടും ഒരു നടപടിയും ഇതുവരെയുണ്ടായില്ലെന്ന് കർഷകർ പറയുന്നു. ഇതിൽ പ്രതിഷേധിച്ചാണ് വേറിട്ട സമരവുമായി കർഷകർ റോഡിൽ ഇറങ്ങിയത്.