തെള്ളകം: ഫെഡറല്‍ ബാങ്ക്‌ ഇന്ത്യയിലുടനീളം നടപ്പിലാക്കുന്ന ‘സഞ്‌ജീവനി’ എന്ന പദ്ധതിയില്‍ പങ്കാളികളാകുന്ന ഇന്ത്യയിലെ മൂന്ന്‌ ആശുപത്രികളില്‍ ഒന്നായി കോട്ടയം കാരിത്താസ്‌ ആശുപത്രിയും. കാന്‍സര്‍ രോഗികള്‍ക്ക്‌ സാമ്പത്തിക സഹായം നല്‍കുക എന്നതാണ്‌ ഈ പദ്ധതിയുടെ ലക്ഷ്യം.
കാരിത്താസില്‍ ചികിത്സയില്‍ ആയിരിക്കുന്ന അര്‍ഹതപ്പെട്ട 750 കാന്‍സര്‍ രോഗികള്‍ക്ക്‌ ഒരാള്‍ക്കു 20,000 രൂപ വീതം ഇളവ്‌ നല്‍കാനാണ്‌ ലക്ഷ്യമിടുന്നത്‌.
രോഗനിര്‍ണ്ണയം, കാന്‍സര്‍ ചികിത്സ, ശസ്‌ത്രക്രിയ എന്നിവ ഉള്‍പ്പെടെയുള്ള ഏത്‌ ചികിത്സയ്‌ക്കും ഈ ഇളവ്‌ ലഭ്യമാണ്‌. ജൂലൈ പകുതിയോടെ ആരംഭിച്ച്‌ മാര്‍ച്ച്‌ 31 വരെ നീളുന്ന ഈ പദ്ധതിയില്‍ ഇതുവരെ ഏറെ ആളുകള്‍ക്ക്‌ സഹായം എത്തിയിട്ടുണ്ട്.
Whatsapp Group 1 | Whatsapp Group 2 |Telegram Group
കാരിത്താസ്‌ ആശുപത്രി ഡയറക്‌ടര്‍ റവ. ഫാ. ഡോ. ബിനു കുന്നത്ത്‌, ജോയിന്റ്‌ ഡയറക്‌ടര്‍ റവ. ഡോ. ജോയ്‌സ് നന്ദിക്കുന്നേല്‍, റേഡിയേഷന്‍ ഓങ്കോളജി സീനിയര്‍ കണ്‍സള്‍ട്ടന്റ്‌ പ്രൊഫ. ഡോ. ജോസ്‌ ടോം, മെഡിക്കല്‍ ഓങ്കോളജി സീനിയര്‍ കണ്‍സള്‍ട്ടന്റ്‌ പ്രൊഫ. ഡോ. ബോബന്‍ തോമസ്‌, അസിസ്‌റ്റന്റ്‌ ജനറല്‍ മാനേജര്‍ ഫിനാന്‍സ്‌ ജ്യോതിഷ്‌ കുമാര്‍ ഇ. വി., എന്നിവരും ഫെഡറല്‍ ബാങ്കില്‍ നിന്ന്‌ വൈസ്‌ പ്രസിഡന്റും സോണല്‍ ഹെഡുമായ(കോട്ടയം) നിഷ കെ. ദാസ്‌, ഡെപ്യൂട്ടി വൈസ്‌ പ്രസിഡന്റ്‌- റീജിയണല്‍ ഹെഡ്‌ (കോട്ടയം) ജയചന്ദ്രന്‍ കെ. ടി, അസോസിയേറ്റ്‌ വൈസ്‌ പ്രസിഡന്റ്‌- സോണല്‍ എച്ച്‌ആര്‍ (കോട്ടയം) നെബിന്‍ വി.ജോസ്‌, സീനിയര്‍ മാനേജരും ബ്രാഞ്ച്‌ ഹെഡുമായ (തെള്ളകം ബ്രാഞ്ച്‌) അരുണ്‍ ജൂഡ്‌ ഡൊമിനിക്‌ എന്നിവരും ചേര്‍ന്നാണ്‌ പദ്ധതി ഉദ്‌ഘാടനം ചെയ്‌തത്‌.
ഈ പദ്ധതിയിലൂടെ കൂടുതല്‍ രോഗികള്‍ക്ക്‌ മികച്ച ചികിത്സ ലഭ്യമാക്കാന്‍ സാധിക്കട്ടെയെന്ന്‌ കാരിത്താസ്‌ ആശുപത്രി ഡയറക്‌ടര്‍ റവ. ഫാ. ഡോ. ബിനു കുന്നത്ത്‌ പറഞ്ഞു. പദ്ധതിയെക്കുറിച്ചുള്ള കൂടുതല്‍ വിവരങ്ങള്‍ക്ക്‌ 9497713593 എന്ന നമ്പറില്‍ വിളിക്കുക.
