കോട്ടയം കെഎസ്ആർടിസി ബസ്റ്റാൻഡിൽ  ശുചിമുറി മാലിന്യം ഒഴുക്കിയതായി പരാതി ; സ്റ്റാൻഡിനുള്ളിൽ പ്രവർത്തിക്കുന്ന പൊതു ശൗചാലയത്തിലെ മാലിന്യമാണ് ഒഴുക്കിയത്

കോട്ടയം : കെഎസ്ആർടിസി ബസ്റ്റാൻഡിൽ പ്രവർത്തിക്കുന്ന പൊതു ശൗചാലയത്തിൽ നിന്നും ശുചിമുറി മാലിന്യം ഒഴുക്കിവിട്ടതായ് പരാതി.

ബസ് സ്റ്റാൻഡ് പരിസരത്ത് തന്നെയാണ് മാലിന്യം ഒഴുക്കിയത്. ഇതേ തുടർന്ന് പരിസരമാകെ ദുർഗന്ധം വമിച്ചു. കെഎസ്ആർടിസി സ്റ്റാൻഡിനുള്ളിലെ ഇരുചക്ര വാഹന പാർക്കിംഗ് ഭാഗത്തേക്ക് അടക്കം ഇവ ഒഴുകിയെത്തി.

മാലിന്യത്തിൽ ഇരുന്ന കാക്കകളും മറ്റ് പക്ഷികളും സമീപത്തെ ഇരുചക്ര വാഹനങ്ങളിലും, നിർത്തിയിട്ടിരിക്കുന്ന ബസ്സുകളിലും വന്നിരുന്നതും ദുർഗന്ധവും മലിനജലവും യാത്രക്കാരെ ബുദ്ധിമുട്ടിലാക്കി.

ജീവനക്കാരുടെ പരാതിയിൽ ജില്ലാ കളക്ടർ, നഗരസഭ തുടങ്ങിയവരെ വിവരം അറിയിക്കുകയും മാലിന്യം മണ്ണിട്ട് മൂടുകയും ചെയ്തു.