ജീവനൊടുക്കാൻ പോവുകയാണെന്ന് സുഹൃത്തിനെ വിളിച്ച് അറിയിച്ചു ; നാഗമ്പടത്ത് ട്രെയിനിന് മുന്നിൽ ചാടി ഗുരുതര പരിക്കേറ്റ പൊൻകുന്നം സ്വദേശി മരിച്ചു

കോട്ടയം : പൊൻകുന്നം സ്വദേശിയെ നാഗമ്പടം മേൽപ്പാലത്തിന് സമീപം ട്രെയിൻ തട്ടി മരിച്ച നിലയിൽ കണ്ടെത്തി.

പൊൻകുന്നം ചൂരപ്ളാക്കൽ മാത്യു വർഗീസ് (50) ആണ് മമരിച്ചത്. ശനിയാഴ്‌ച രാത്രി 9 മണിയോടുകൂടിയാണ് സംഭവം.

കോട്ടയം നാഗമ്പടം മേൽപ്പാലത്തിന് സമീപത്ത് വെച്ച് എറണാകുളം ഭാഗത്തേക്ക് പോകുകയായിരുന്നു ചെന്നെ എക്സ്പ്രസ് ആണ് ഇദ്ദേഹത്തെ ഇടിച്ചത്. കോട്ടയം വെസ്റ്റ് പോലീസ് സ്ഥലത്തെത്തി ഇദ്ദേഹത്തെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും രാത്രി രണ്ടുമണിയോടുകൂടി മരണം സംഭവിക്കുകയായിരുന്നു.

സംഭവത്തിൽ പോലീസ് കേസെടുത്തു. ജീവനൊടുക്കാൻ പോവുകയാണെന്ന് സുഹൃത്തിനെ ഫോൺ വിളിച്ച് അറിയിച്ച ശേഷമാണ് അദ്ദേഹം ട്രെയിന് മുന്നിൽ ചാടിയതെന്ന് പോലീസ് പറഞ്ഞു.