കോട്ടയം മാമ്മൻ മാപ്പിള ഹാളിനു സമീപം 6 കടകളിൽ കള്ളൻ കയറി ; കടകളുടെ താഴ് തകർത്താണ് മോഷണം നടന്നത്, പോലീസ് അന്വേഷണം ആരംഭിച്ചു

കോട്ടയം :  മാമ്മൻ മാപ്പിള ഹാളിനു സമീപം 6 കടകളിൽ കള്ളൻ കയറി. എംബ്രോയ്ഡറി ആൻഡ് ത്രെഡ് ഹൗസ്, പെറ്റൽസ്, കൃഷ്ണാ മെഡിക്കൽസ്, ഫാഷൻ പാർക്ക് , ഫാക്ടറി സെയിൽസ്, എന്നീ കടകളിലാണ് കള്ളൻ കയറിയത്.

ഇന്ന് രാവിലെ കട തുറക്കാനായി എത്തിപ്പോഴാണ് കടയുടമകൾ മോഷണ വിവരം അറിയുന്നത്.  താഴ് തകർത്താണ് കള്ളൻ കടയ്ക്കുള്ളിൽ പ്രവേശിച്ചത്. ഷോപ്പുകളിൽ ഉണ്ടായിരുന്ന ചാരിറ്റി ബോക്സ് അടക്കം കള്ളൻ കവർന്നിട്ടുണ്ട്.

കോട്ടയം വെസ്റ്റ് പോലീസ് സ്ഥലത്തെത്തി അന്വേഷണം ആരംഭിച്ചു.