മുണ്ടക്കയം പറത്താനത്ത് വൻ ചാരായ വേട്ട ; 20 ലിറ്റർ ചാരായവും 150 ലിറ്റർ വാഷും പിടിച്ചെടുത്തു, പ്രതി ഒളിവിൽ

മുണ്ടക്കയം : പറത്താനത്ത് ചാരായം വാറ്റാൻ പാകപ്പെടുത്തിയ 150 ലിറ്റർ കോടയും 20 ലിറ്റർ വാറ്റും പിടികൂടി. പറത്താനം ജംഗ്ഷനിൽ മഞ്ഞപ്പള്ളി വീട്ടിൽ പോൾ ലോറൻസ് താമസിക്കുന്ന താത്കാലിക ഷെഡിൽ സൂക്ഷിച്ചിരുന്ന ചാരായവും വാഷുമാണ് പിടികൂടിയത്.

രഹസ്യവിവരത്തെ തുടർന്ന് കാഞ്ഞിരപ്പള്ളി അസിസ്റ്റന്റ് എക്‌സൈസ് ഇൻസ്‌പെക്ടർ ഗ്രേഡ് മനോജ്‌ ടി ജെയും ടീമും നടത്തിയ പരിശോധനയിലാണ് ചാരായം പിടികൂടിയത്.

സംഭവത്തിൽ മഞ്ഞപ്പള്ളി വീട്ടിൽ  ലോറൻസ് പോൾ (32 ) ൻ്റെ പേരിൽ കേസ്‌ എടുത്തു. ഇയാളെ പിടികൂടാൻ സാധിച്ചിട്ടില അസിസ്റ്റന്റ് എക്‌സൈസ് ഇൻസ്‌പെക്ടർ ഗ്രേഡ് രാജീവ്‌ പി വി,പ്രിവന്റീവ് ഓഫീസർ ഗ്രേഡ് അജിമോൻ എം റ്റി ,സിവിൽ എക്‌സൈസ് ഓഫീസർ വിശാഖ് കെ വി എന്നിവർ ഉണ്ടായിരുന്നു.