സ്വന്തം ലേഖകൻ
കേരള ഹൈക്കോടതി, ഐ.ടി. കേഡറിലെ വിവിധ തസ്തികകളിലായുള്ള 19 ഒഴിവുകളിലേക്ക് സ്ഥിരനിയമനത്തിന് അപേക്ഷ ക്ഷണിച്ചു. പരസ്യ നമ്പര്‍: A7-75309/2021/IT3/REC3. ഹൈക്കോടതിയുടെ റിക്രൂട്ട്മെന്റ് പോര്‍ട്ടലിലൂടെ ഓണ്‍ലൈനായി അപേക്ഷ സമര്‍പ്പിക്കണം.
ഒഴിവുള്ള തസ്തികകള്‍
Whatsapp Group 1 | Whatsapp Group 2 |Telegram Group
മാനേജര്‍ (ഐ.ടി.): ഒഴിവ്-1. ശമ്പളം: 1,07,800-1,60,000 രൂപ. യോഗ്യത: ബി.ടെക്./ എം.ടെക്. (ഐ.ടി./സി.എസ്./ഇ.സി.), ഐ.ടി. മേഖലയില്‍ മാനേജര്‍തലത്തില്‍ കുറഞ്ഞത് അഞ്ചുവര്‍ഷ പ്രവൃത്തിപരിചയം.
സിസ്റ്റം എൻജിനീയര്‍: ഒഴിവ്-1, ശമ്പളം: 59,300-1,20,900 രൂപ. യോഗ്യത: ബി.ടെക്./ എം.ടെക് (ഐ.ടി./സി.എസ്./ഇ.സി.). സിസ്റ്റം/ നെറ്റ്വര്‍ക്ക്/ ഡേറ്റാബേസ് അഡ്മിനിസ്ട്രേഷനില്‍ കുറഞ്ഞത് രണ്ടുവര്‍ഷ പ്രവൃത്തിപരിചയം.
സീനിയര്‍ സോഫ്റ്റ്വേര്‍ ഡെവലപ്പര്‍: ഒഴിവ്-3, ശമ്ബളം: 59,300-1,20,900 രൂപ. യോഗ്യത: ബി.ടെക്./ എം.ടെക്. അല്ലെങ്കില്‍ എം.സി.എ. അല്ലെങ്കില്‍ എം.എസ്സി. (ഇലക്‌ട്രോണിക്സ്/ ഐ.ടി./ കംപ്യൂട്ടര്‍ സയൻസ്), പ്രോഗ്രാമിങ്ങില്‍ കുറഞ്ഞത് രണ്ടുവര്‍ഷ പ്രവൃത്തിപരിചയം.
സീനിയര്‍ സിസ്റ്റം ഓഫീസര്‍: ഒഴിവ്-14, ശമ്പളം: 51,400-1,10,300 രൂപ. യോഗ്യത: ഡിപ്ലോമ (ഇലക്‌ട്രോണിക്സ്/കംപ്യൂട്ടര്‍ സയൻസ്/ കംപ്യൂട്ടര്‍ ഹാര്‍ഡ്വേര്‍/ തത്തുല്യ വിഷയം) അല്ലെങ്കില്‍ ബി.ഇ./ ബി.ടെക്. (ഇലക്‌ട്രോണിക്സ്/ ഐ.ടി./ കംപ്യൂട്ടര്‍ സയൻസ്/ കംപ്യൂട്ടര്‍ ഹാര്‍ഡ്വേര്‍/ തത്തുല്യ വിഷയം)/ ബി.സി.എ./ എം.ഇ./ എം.ടെക്. (ഇലക്‌ട്രോണിക്സ്/ ഐ.ടി./ കംപ്യൂട്ടര്‍ സയൻസ്/ കംപ്യൂട്ടര്‍ ഹാര്‍ഡ്വേര്‍/തത്തുല്യവിഷയം)/ എം.സി.എ. കേരളത്തിലെ ഇ-കോര്‍ട്ട് പ്രോജക്ടുകളില്‍ സിസ്റ്റം അസിസ്റ്റന്റ്/ സിസ്റ്റം ഓഫീസര്‍/ സീനിയര്‍ സിസ്റ്റം ഓഫീസര്‍ തസ്തികകളില്‍ കുറഞ്ഞത് മൂന്നുവര്‍ഷ പ്രവൃത്തിപരിചയം.പ്രായം: 02/01/1982നും 01/01/2005നും (ഇരുതീയതികളും ഉള്‍പ്പെടെ) ഇടയില്‍ ജനിച്ചവര്‍. സംവരണവിഭാഗക്കാര്‍ക്ക് ചട്ടപ്രകാരമുള്ള വയസ്സിളവ് ലഭിക്കും.
തിരഞ്ഞെടുപ്പ്: മാനേജര്‍ (ഐ.ടി.), സിസ്റ്റം എൻജിനീയര്‍, സീനിയര്‍ സിസ്റ്റം ഓഫീസര്‍ തസ്തികകളിലേക്ക് അഭിമുഖത്തിന്റെ അടിസ്ഥാനത്തിലായിരിക്കും തിരഞ്ഞെടുപ്പ്. സീനിയര്‍ സോഫ്റ്റ്വേര്‍ ഡെവലപ്പര്‍ തസ്തികയിലേക്ക് പ്രോഗ്രാമിങ് ടെസ്റ്റും അഭിമുഖവും ഉണ്ടാകും.
അപേക്ഷാഫീസ്: മാനേജര്‍ (ഐ.ടി.) തസ്തികയിലേക്ക് 750 രൂപ. മറ്റു തസ്തികകള്‍ക്ക് 500 രൂപ. എസ്.സി./ എസ്.ടി.ക്കാര്‍ക്കും തൊഴില്‍രഹിതരായ ഭിന്നശേഷിക്കാര്‍ക്കും ഫീസില്ല. ഓണ്‍ലൈനായും വെബ്സൈറ്റില്‍നിന്നു ജനറേറ്റ് ചെയ്തെടുക്കുന്ന ചെലാനുപയോഗിച്ച്‌ ഓഫ്ലൈനായും ഫീസടയ്ക്കാം.
അപേക്ഷ:www.hckrecruitment.nic.in എന്ന പോര്‍ട്ടലിലെ വിശദ വിജ്ഞാപനപ്രകാരം ഓണ്‍ലൈനായി അപേക്ഷിക്കണം. രണ്ടുഘട്ടങ്ങളിലായാണ് അപേക്ഷാസമര്‍പ്പണം. അപേക്ഷയ്ക്കൊപ്പം പാസ്പോര്‍ട്ട് സൈസ് ഫോട്ടോ, ഒപ്പ് എന്നിവ അപ്ലോഡ് ചെയ്യണം. നിര്‍ദേശങ്ങള്‍ വെബ്സൈറ്റില്‍ ലഭിക്കും.
അപേക്ഷയുടെ ആദ്യഘട്ടം (സ്റ്റെപ്പ് 1) അവസാനിക്കുന്ന തീയതി: നവംബര്‍ 28. രണ്ടാംഘട്ടം (സ്റ്റെപ്പ് 2) അവസാനിക്കുന്ന തീയതി: ഡിസംബര്‍ 8. ഓഫ്ലൈനായി ഫീസടയ്ക്കാനുള്ള അവസാന തീയതി: ഡിസംബര്‍ 19. വെബ്സൈറ്റ്: www.hckrecruitment.nic.in
