സ്വന്തം ലേഖകൻ
തിരുവനന്തപുരം: കനത്ത മഴ തുടരുന്ന പശ്ചാത്തലത്തില് തിരുവനന്തപുരം ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് അവധി പ്രഖ്യാപിച്ചു. പ്രൊഫഷണല് കോളജ്, കേന്ദ്രീയ വിദ്യാലയങ്ങള് എന്നിവയ്ക്കും അവധി ബാധകമാണ്. ജില്ലയില് ക്വാറി, മൈനിംഗ് പ്രവര്ത്തനങ്ങള് നിരോധിച്ചു. ബീച്ചുകളില് വിനോദ സഞ്ചാരത്തിനും നിരോധനം ഏര്പ്പെടുത്തിയതായി ജില്ലാ കലക്ടര് അറിയിച്ചു.
മലയോര മേഖലകളില് ഉരുള്പൊട്ടല്, മണ്ണിടിച്ചില് എന്നിവയ്ക്ക് സാധ്യതയുള്ളതിനാലും കടല്ക്ഷോഭത്തിന് സാധ്യതയുള്ളതിനാലും അതീവ ജാഗ്രത പാലിക്കേണ്ടുന്നതിനാല്, കടലോര-കായലോര-മലയോര മേഖലകളിലേക്കുള്ള അവശ്യ സര്വീസുകള് ഒഴികെയുള്ള ഗതാഗതത്തിനും നിരോധനം ഏര്പ്പെടുത്തിയതായി ഉത്തരവില് പറയുന്നു.
Whatsapp Group 1 | Whatsapp Group 2 |Telegram Group
കനത്ത മഴ തുടരുന്ന പശ്ചാത്തലത്തില് നെയ്യാര് ഡാമിന്റെ ഷട്ടറുകള് വീണ്ടും ഉയര്ത്തും. നാലു ഷട്ടറുകളും നിലവില് 70 സെന്റീമീറ്റര് വീതം (ആകെ 280സെന്റീമീറ്റര്) ഉയര്ത്തിയിട്ടുണ്ട്. വൈകീട്ട് ഓരോ ഷട്ടറുകളും 30 സെന്റീമീറ്റര് വീതം (ആകെ 400സെന്റീമീറ്റര്) കൂടി ഉയര്ത്തും. സമീപ വാസികള് ജാഗ്രത പാലിക്കണമെന്ന് ജില്ലാ കലക്ടര് അറിയിച്ചു.
