പോളിങ് കുതിപ്പിലേക്ക് പുതുപ്പള്ളി….! യുഡിഎഫ് സ്ഥാനാർത്ഥി ചാണ്ടി ഉമ്മൻ ജോർജിയൻ സ്കൂളിൽ വോട്ട് രേഖപ്പെടുത്തി; സർക്കാരിൻ്റെ വിലയിരുത്തലാകും തെരഞ്ഞെടുപ്പെന്ന് കോൺഗ്രസ്
സ്വന്തം ലേഖിക
കോട്ടയം: ഉമ്മന്‍ചാണ്ടിയുടെ വിയോഗത്തെ തുടര്‍ന്ന് നടക്കുന്ന പുതുപ്പള്ളി ഉപതെരഞ്ഞെടുപ്പ് പുരോഗമിക്കുന്നു.
പുതുപ്പള്ളി ഉപതെരഞ്ഞെടുപ്പ് ഒൻപത് മണി പിന്നിടുമ്പോള്‍ 15.36% ശതമാനം പോളിംഗാണ് നടന്നത്.
Whatsapp Group 1 | Whatsapp Group 2 |Telegram Group
യുഡിഎഫ് സ്ഥാനാർത്ഥി ചാണ്ടി ഉമ്മൻ കുടുംബത്തോടൊപ്പം ജോർജിയൻ സ്കൂളിൽ വോട്ട് രേഖപ്പെടുത്തി
മിക്ക ബൂത്തുകളിലും നീണ്ട ക്യൂവാണുള്ളത്.
9.00 മണിവരെയുള്ള പോളിങ്
മൊത്തം ശതമാനം: 15.36%
പോൾ ചെയ്ത വോട്ട് : 27099
പുരുഷന്മാർ: 14667
സ്ത്രീകൾ: 12432
ട്രാൻസ്ജെൻഡർ: 0
മൂന്നാഴ്ചത്തെ വാശിയേറിയ പ്രചാരണത്തിന് ശേഷമാണ് പുതുപ്പള്ളി ജനവിധി തേടുന്നത്. 90,281 സ്ത്രീകളും 86,132 പുരുഷന്മാരും 4 ട്രാൻസ്ജെൻഡറുകളും അടക്കം മണ്ഡലത്തില്‍ 1,76,417 വോട്ടര്‍മാരാണുള്ളത്.
വോട്ടെടുപ്പ് ഡ്യൂട്ടിക്കായി 872 ഉദ്യോഗസ്ഥരെയാണ് നിയോഗിച്ചിട്ടുള്ളത്. 182 ബൂത്തുകളാണ് മണ്ഡലത്തിലുള്ളത്. 182 പോളിങ് ബൂത്തുകളിലും വെബ്കാസ്റ്റിങ് ഏര്‍പ്പെടുത്തിയിട്ടുണ്ട്. പോളിങ് അവസാനിക്കുന്നതുവരെയുള്ള പോളിങ് ബൂത്തുകളിലെ നടപടികള്‍ കളക്‌ട്രേറ്റിലെ കണ്‍ട്രോള്‍ റൂമിലൂടെ തത്സമയം അറിയാം.
