മുതലപ്പൊഴിയില്‍ മത്സ്യബന്ധന വള്ളം മറിഞ്ഞ് കാണാതായ നാല് പേരില്‍ ഒരാളെ കണ്ടെത്തി; മറ്റുള്ളവര്‍ക്കായി തിരച്ചില്‍ തുടരുന്നു

സ്വന്തം ലേഖിക

തിരുവനന്തപുരം: തിരുവനന്തപുരത്ത് മുതലപ്പൊഴിയില്‍ മത്സ്യബന്ധന വള്ളം മറിഞ്ഞു കാണാതായ നാല് തൊഴിലാളികളിൽ ഒരാളെ കണ്ടെത്തി.

പുതുക്കുറിച്ചി സ്വദേശി ആന്റണിയുടെ ഉടസ്ഥതയിലുള്ള വള്ളമാണ് മറിഞ്ഞത്.
പുലര്‍ച്ചെ നാല് മണിയോടെയാണ് അപകടം.

തൊഴിലാളികള്‍ക്കായി തെരച്ചില്‍ തുടരുന്നു. കാണാതായവരില്‍ ഒരാളെ കണ്ടെത്തി. പുതുക്കുറിച്ചി സ്വദേശി കുഞ്ഞുമോനെയാണ് കണ്ടെത്തിയത്.
അബോധാവസ്ഥയിലുള്ള കുഞ്ഞുമോനെ ചിറയിൻകീഴ് താലൂക്ക് ആശുപത്രിയിലേക്ക് മാറ്റി. ആശുപത്രിയിലെത്തിച്ച കുഞ്ഞുമോന്‍റെ അവസ്ഥ അതീവ ഗുരുതരമായി തുടരുകയാണ്.