പാലക്കാട് വൻകഞ്ചാവ് വേട്ട; ചില്ലറവില്പനയ്ക്കായി കൊണ്ടുവന്ന അൻപത് ലക്ഷം രൂപ വില വരുന്ന കഞ്ചാവുമായി രണ്ട് ഇതരസംസ്ഥാന യുവാക്കൾ അറസ്റ്റിൽ

സ്വന്തം ലേഖകൻ

പാലക്കാട്: ചില്ലറവില്പനയ്ക്കായി കൊണ്ടുവന്ന കഞ്ചാവുമായി രണ്ടുപേർ അറസ്റ്റിൽ. ഒഡീഷയിലെ ഗജപതി ജില്ലയിൽ അഡവ സ്വദേശികളാണ് പിടിയിലായത്. ഇവരിൽ ഒരാള്‍ക്ക് പ്രായപൂർത്തിയായിട്ടില്ല.

പാലക്കാട് റെയിൽവേ സ്റ്റേഷനിൽ നിന്നുമാണ് പ്രതികളെ പിടികൂടിയത് . പോലീസ് പരിശോധനയിൽ ഇവരിൽ നിന്നും പത്ത് കിലോ കഞ്ചാവ് പിടിച്ചെടുത്തു. ഇന്ന് പുലർച്ചെ 4.30 ന് ആണ് സംഭവം. വിപണിയിൽ അൻപത് ലക്ഷം രൂപ വില വരുന്ന കഞ്ചാവാണ് ആർപിഎഫ് യുവാക്കളിൽ നിന്നും പിടികൂടിയത്.

ആലുവയിലേക്ക് കൊണ്ടുപോയി ചെറുകിട വിൽപ്പന നടത്താനെത്തിച്ചതാണ് കഞ്ചാവ്. വിവിധ ട്രെയിനുകള്‍ മാറിക്കയറിയാണ് ഇവർ പാലക്കാടെത്തിയത്. ഇവിടെ നിന്നും ട്രെയിനിൽ ആലുവയിലേക്ക് കഞ്ചാവ് കടത്താനുള്ള ശ്രമത്തിനിടെയാണ് ഇരുവരും പിടിയിലായത്.