![സംസ്ഥാനത്ത് ഹെല്ത്ത് കാര്ഡ് ഇല്ലാത്തവര്ക്കെതിരെ ഭക്ഷ്യ സുരക്ഷാ വകുപ്പ് പരിശോധന ; ഉത്തരവുമായി ആരോഗ്യമന്ത്രി വീണ ജോർജ് സംസ്ഥാനത്ത് ഹെല്ത്ത് കാര്ഡ് ഇല്ലാത്തവര്ക്കെതിരെ ഭക്ഷ്യ സുരക്ഷാ വകുപ്പ് പരിശോധന ; ഉത്തരവുമായി ആരോഗ്യമന്ത്രി വീണ ജോർജ്](https://i0.wp.com/thirdeyenewslive.com/storage/2023/05/WhatsApp-Image-2023-05-27-at-12.53.22-PM.jpeg?fit=702%2C936&ssl=1)
സംസ്ഥാനത്ത് ഹെല്ത്ത് കാര്ഡ് ഇല്ലാത്തവര്ക്കെതിരെ ഭക്ഷ്യ സുരക്ഷാ വകുപ്പ് പരിശോധന ; ഉത്തരവുമായി ആരോഗ്യമന്ത്രി വീണ ജോർജ്
സ്വന്തം ലേഖകൻ
സംസ്ഥാനത്ത് ഹെല്ത്ത് കാര്ഡ് ഇല്ലാത്തവര്ക്കെതിരെ ഭക്ഷ്യ സുരക്ഷാ വകുപ്പ് പ്രത്യേക പരിശോധന ആരംഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ്.
സംസ്ഥാനത്ത് ഹെല്ത്ത് കാര്ഡ് നിര്ബന്ധമാക്കിയിരുന്നു. ഭക്ഷ്യ സുരക്ഷാ മുന്നറിയിപ്പോടു കൂടിയ സ്ലിപ്പോ സ്റ്റിക്കറോ ഇല്ലാത്ത ഭക്ഷണ പൊതികള് വില്ക്കാന് പാടില്ലെന്ന കര്ശന നിര്ദേശവും നല്കിയിട്ടുണ്ട്. ഇവ പാലിക്കുന്നുണ്ടോ എന്നറിയാൻ പരിശോധനകള് നടക്കുന്നുണ്ട്. ഇതുകൂടാതെയാണ് പ്രത്യേക പരിശോധന ആരംഭിച്ചത്.
Whatsapp Group 1 | Whatsapp Group 2 |Telegram Group
കഴിഞ്ഞ രണ്ട് ദിവസങ്ങളിലായി 606 സ്ഥാപനങ്ങളില് പരിശോധന നടത്തി. അതില് 101 സ്ഥാപനങ്ങളില് പോരായ്മകള് കണ്ടെത്തിയിരുന്നു. ഇവര്ക്ക് നോട്ടീസ് നല്കിയിട്ടുണ്ട്. ശക്തമായ പരിശോധന തുടരും. ഹെല്ത്ത് കാര്ഡ് ഇല്ലാത്തവര്ക്കെതിരേയും പാഴ്സലില് മുന്നറിയപ്പോടു കൂടിയ സ്റ്റിക്കര് പതിക്കാത്തവര്ക്കെതിരേയും കര്ശന നടപടി സ്വീകരിക്കുന്നതാണെന്ന് മന്ത്രി അറിയിച്ചു.
ഗുണനിലവാരമുള്ള ഭക്ഷണം, ശുചിത്വമുള്ള ഭക്ഷണശാലകളും ഉറപ്പുവരുത്താനാണ് സര്ക്കാര് ഹോട്ടല് തൊഴിലാളികള്ക്കുള്ള ഹെല്ത്ത് കാര്ഡ് നിര്ബന്ധമാക്കിയത്. ഹോട്ടലുകളും, റെസ്റ്റോറന്റുകളും തുടങ്ങി എല്ലാ ഭക്ഷണ ശാലകളും ഹെല്ത്ത് കാര്ഡ് ഉറപ്പാക്കാൻ സര്ക്കാര് നേരത്തെ സമയം നല്കിയിരുന്നു. സംസ്ഥാനത്ത് ഭക്ഷണം പാകം ചെയ്യുന്നതും വിതരണം ചെയ്യുന്നതും വില്പന നടത്തുന്നതുമായ എല്ലാ സ്ഥാപനങ്ങളിലും ഭക്ഷ്യ വസ്തുക്കള് കൈകാര്യം ചെയ്യുന്ന എല്ലാ ജീവനക്കാരും ഹെല്ത്ത് കാര്ഡ് എടുക്കണം എന്നാണ് ആരോഗ്യ വകുപ്പിന്റെ നിര്ദ്ദേശം.