എരുമേലി പഞ്ചായത്തിൽ യുഡിഎഫ് കൊണ്ട് വന്ന അവിശ്വാസം വിജയിച്ചു; എൽ ഡി എഫ് പുറത്ത്

സ്വന്തം ലേഖകൻ

കോട്ടയം: എരുമേലി പഞ്ചായത്തിൽ യുഡിഎഫ് കൊണ്ട് വന്ന അവിശ്വാസം വിജയിച്ചു. അവിശ്വാസ പ്രമേയ ചർച്ചയിൽ നിന്ന് എൽഡിഎഫ് അംഗങ്ങൾ വിട്ട് നിന്നതിനാലാണ് അവിശ്വാസം വിജയിച്ചത്.

23 അംഗ പഞ്ചായത്ത് ഭരണസമിതിയിൽ ഇരു മുന്നണികൾക്കും തുല്യ അംഗ നിലയായിരുന്നു.

ഏക സ്വതന്ത്രനെ ഒപ്പം നിർത്തിയാണ് യു ഡി എഫ് അവിശ്വാസം വിജയിപ്പിച്ചെടുത്തത്. സി പി എമ്മിലെ തങ്കമ്മ ജോർജ്കുട്ടിയായിരുന്നു എരുമേലിയിൽ പഞ്ചായത്ത് പ്രസിഡൻ്റ്.