പ്രസവവേദനയെത്തുടര്‍ന്ന് ആശുപത്രിയിലേക്ക് പോകവെ ഗർഭിണിക്ക് ഓട്ടോറിക്ഷയില്‍ പ്രസവം; സംഭവം പാലക്കാട് മണ്ണാർക്കാട്

സ്വന്തം ലേഖകൻ

പാലക്കാട്: പാലക്കാട് മണ്ണാര്‍ക്കാട് യുവതി ഓട്ടോറിക്ഷയില്‍ പ്രസവിച്ചു. കാഞ്ഞിരപ്പുഴ സ്വദേശി പ്രീതയാണ് ഓട്ടോറിക്ഷയില്‍ പ്രസവിച്ചത്. ഞായറാഴ്ച രാവിലെ പ്രസവവേദനയെത്തുടര്‍ന്ന് ആശുപത്രിയിലേക്ക് കൊണ്ടുപോകവെയാണ് സംഭവം.

ഫെബ്രുവരി 28-നായിരുന്നു യുവതിയുടെ ഡെലിവെറി ഡേറ്റ് എന്നാൽ ഞായറാഴ്ച രാവിലെ പത്ത് മണിയോടെ യുവതിയ്ക്ക് പ്രസവവേദന അനുഭവപ്പെടുകയായിരുന്നു.

ഇതോടെയാണ് ആശുപത്രിയിലേക്ക് കൊണ്ടുപോകുന്നതിനിടെ യുവതി പ്രസവിച്ചത്. തുടർന്ന് മണ്ണാര്‍ക്കാട് താലൂക്ക് ആശുപത്രിയില്‍ അമ്മയും കുഞ്ഞിനെയും എത്തിക്കുകയായിരുന്നു. ഇരുവരും ആരോഗ്യത്തോടെയിരിക്കുന്നതായാണ് ലഭിക്കുന്ന വിവരം.