കുഞ്ഞിന്റെ ചര്‍മ്മം മഞ്ഞനിറത്തില്‍ കാണുന്നത് വെയില്‍ കൊള്ളിച്ച്‌ പരിഹരിക്കാം എന്ന് കരുതരുത്….! നവജാതശിശുക്കളിൽ മഞ്ഞപ്പിത്തം ഉണ്ടായാൽ ശ്രദ്ധിക്കേണ്ട കാര്യങ്ങൾ ഇതാ…..
സ്വന്തം ലേഖിക
കോട്ടയം: മാസം തികഞ്ഞ് ജനിക്കുന്ന 60 ശതമാനം കുഞ്ഞുങ്ങളിലും മാസം തികയാതെ ജനിക്കുന്ന 80 ശതമാനം കുഞ്ഞുങ്ങളിലും ആദ്യ ആഴ്ചയില്‍ മഞ്ഞപ്പിത്തം ഉണ്ടാകുന്നതായി ശിശുരോഗ വിദഗ്ധര്‍ പറയുന്നു.
കുഞ്ഞിന്റെ ചര്‍മ്മം മഞ്ഞനിറത്തില്‍ കാണുന്നത് വെയില്‍ കൊള്ളിച്ച്‌ പരിഹരിക്കാം എന്ന് കരുതരുത്.
Whatsapp Group 1 | Whatsapp Group 2 |Telegram Group
നവജാത ശിശുക്കളിലെ ഭൂരിഭാഗം മഞ്ഞപ്പിത്തവും നിരുപദ്രവകരമാണെന്നത് യാഥാര്‍ത്ഥ്യമാണ്. പക്ഷേ ഇത് നിര്‍ണയിക്കേണ്ടത് ശിശരോഗ വിദഗ്ധരാണ്.
കാരണം ചികിത്സിക്കാതെ പോകുന്ന മഞ്ഞപ്പിത്തം പിന്നീട് സ്ഥിരമായ മസ്തിഷ്‌ക ക്ഷതം , ബധിരത, ജന്നി, തളര്‍വാതം എന്നിവയ്ക്ക് കാരണമായേക്കാമെന്ന് ശിശരോഗ വിദഗ്ധര്‍ പറയുന്നു. 10 ശതമാനം കുഞ്ഞുങ്ങളില്‍ ഒരു മാസം പ്രായമാകമ്പോള്‍ പോലും മഞ്ഞപ്പിത്തം കണ്ടുവരുന്നുണ്ട്.
കുഞ്ഞിന്റെ കണ്ണുകളിലോ ചര്‍മ്മത്തിലോ മഞ്ഞനിറം കണ്ടാല്‍ ഉടന്‍ തന്നെ ശിശരോഗ വിദഗ്ധന്റെ അടുത്ത് എത്തിക്കുക.
