വാറണ്ട് കേസിൽ ഒളിവിൽ കഴിഞ്ഞിരുന്ന പ്രതികൾ അറസ്റ്റിൽ; പിടിയിലായത് മുണ്ടക്കയം സ്വദേശികൾ

സ്വന്തം ലേഖകൻ

മുണ്ടക്കയം :വാറണ്ട് കേസിൽ ഒളിവിൽ കഴിഞ്ഞിരുന്ന പ്രതികൾ അറസ്റ്റിൽ.

മുണ്ടക്കയം കല്ലേപ്പാലം ഭാഗം കളിയിക്കൽ വീട്ടിൽ സുരേഷ് മകൻ സുധീഷ്,( 23) , മുണ്ടക്കയം കിഴക്കേമുറിയിൽ വീട്ടിൽ ഇസ്മായിൽ, മകൻ നൈജു, (45) എന്നിവരെയാണ് മുണ്ടക്കയം പോലീസ് അറസ്റ്റ് ചെയ്തത്.

ഇരുവരും കഞ്ചാവ് ഉപയോഗിച്ച കേസുകളിലെ പ്രതികളാണ്.ഈ കേസുകളില്‍ കോടതിയിൽ നിന്നും ജാമ്യത്തിൽ ഇറങ്ങിയ ഇരുവരും ഒളിവിൽ പോവുകയായിരുന്നു. കോടതിയിൽ ഹാജരാകാതിരുന്നതിനെ തുടർന്ന് കോടതി ഇവരുടെ ജാമ്യംറദ്ദാക്കുകയും വാറണ്ട് പുറപ്പെടുവിക്കുകയുമായിരുന്നു.

മുണ്ടക്കയം എസ്. എച്ച്. ഓ ഷൈന്‍കുമാര്‍ എ, എ. എസ്. ഐ മനോജ്‌ കെ ജി, സീനിയര്‍ സി പി ഒ ജോൺസൺ, സി.പി.ഓ മാരായ ശരത്ചന്ദ്രൻ, റോബിന്‍ തോമസ്‌ എന്നിവരുടെ നേതൃത്വത്തിലാണ് ഇവരെ അറസ്റ്റ് ചെയ്തത്.