കരുനാഗപ്പള്ളിയില്‍ പാന്‍മസാല കടത്തിയ ലോറികളിലൊന്ന് സിപിഎം നേതാവിന്റേത്; വാടകയ്ക്ക് കൊടുത്തിരുന്നെന്ന് പ്രതികരണം; രണ്ട് ലോറികളിലായി കൊണ്ടുവന്നത് 1.25 ലക്ഷം പാക്കറ്റ്

സ്വന്തം ലേഖിക

Link

Embed

Copy and paste this HTML code into your webpage to embed.

കൊല്ലം: കരുനാഗപ്പള്ളിയില്‍ ലഹരി വസ്തു കടത്തിയ ലോറികളില്‍ ഒന്ന് സി പി എം നേതാവിന്റേതെന്ന് റിപ്പോര്‍ട്ടുകള്‍.

ആലപ്പുഴ നഗരസഭ ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ എ ഷാനവാസാണ് ലോറിയുടെ ഉടമ.

കട്ടപ്പന സ്വദേശിയ്ക്ക് ലോറി വാടകയ്ക്ക് നല്‍കിയിരുന്നെന്നാണ് ഷാനവാസിന്റെ പ്രതികരണം. നേതാവ് പറഞ്ഞത് ശരിയാണോയെന്ന് അന്വേഷണ സംഘം പരിശോധിച്ചുവരികയാണ്.

കഴിഞ്ഞ വെള്ളിയാഴ്ചയാണ് വാടകക്കരാര്‍ എഴുതിയത്. ഞായറാഴ്ച പുലര്‍ച്ചെയാണ് ലോറി പിടികൂടിയത്.

ഒരു കോടി രൂപ വിലവരുന്ന 1.25 ലക്ഷം പാക്കറ്റ് പാന്‍മസാലയാണ് രണ്ട് ലോറികളിലായി കടത്തിയത്.