ഋഷഭ് പന്തിൻ്റെ ആരോഗ്യനിലയിൽ പുരോഗതി; തലച്ചോറിന്റെ പ്രവര്ത്തനം സാധാരണ നിലയിലായി; ഡ്രൈവിംഗിനിടെ ഉറങ്ങി പോയതാണ് അപകടത്തിന് കാരണമായതെന്ന് പോലീസ്
കാർ അപകടത്തില് നിന്ന് പരുക്കുകളോടെ രക്ഷപ്പെട്ട ക്രിക്കറ്റ് താരം ഋഷഭ് പന്തിന്റെ ആരോഗ്യനിലയില് പുരോഗതിയുണ്ടെന്ന് ഡോക്ടര്മാര്. തലച്ചോറിന്റെ പ്രവര്ത്തനം സാധാരണ നിലയിലായി. പന്തിന്റെ നെറ്റിയില് രണ്ട് മുറിവുകളും വലത് കാല്മുട്ടിന്റെ ലിഗമെന്റിന് പരുക്കുമുണ്ട്. വലത് കൈത്തണ്ട, കണങ്കാല്, കാല്വിരല് എന്നിവയ്ക്കും പരുക്കുണ്ട്.
ഡല്ഹിയില് നിന്ന് വീട്ടിലേക്ക് വരുംവഴിയാണ് ഋഷഭ് പന്തിന് അപകടം സംഭവിച്ചത്. ഇന്നലെ രാവിലെ ഹമ്മദപുര് ഝലിന് സമീപം റൂര്കിയിലെ നാര്സന് അതിര്ത്തിയില് വച്ചാണ് കാര് അപകടം ഉണ്ടായത്. കാര് ഡിവൈഡറില് തട്ടി മറിഞ്ഞ് തീ പിടിക്കുകയായിരുന്നു. കാറിന്റെ വിന്ഡ് സ്ക്രീന് തകര്ത്താണ് പന്ത് കാറില് നിന്ന് പുറത്തുകടന്നത്.വെള്ളിയാഴ്ച പുലർച്ചെയാണ് അപകടമുണ്ടായത് .
റിഷഭ് പന്ത് ഡ്രൈവിംഗിനിടെ ഉറങ്ങി പോയതാണ് അപകടത്തിന് കാരണമായതെന്ന് പോലീസ് പറഞ്ഞു. വാഹനത്തിന്റെ നിയന്ത്രണം നഷ്ടപ്പെടുകയും ഡിവൈഡറിലിടിക്കുകയുമായിരുന്നു. അപകടം നടന്ന സമയത്ത് റഷഭ് പന്ത് മാത്രമേ കാറില് ഉണ്ടായിരുന്നുള്ളു. ആദ്യം റൂര്കിയിലെ സക്ഷം ആശുപത്രിയില് പ്രവേശിപ്പിച്ച പന്തിനെ ഡെഹ്രാഡൂണിലെ മാക്സ് ആശുപത്രിയിലേക്ക് കൊണ്ടുപോകുകയായിരുന്നു.
Whatsapp Group 1 | Whatsapp Group 2 |Telegram Group
ഋഷഭ് പന്ത് അപകടനില തരണം ചെയ്ത ആശ്വാസ വാര്ത്ത വിവിഎസ് ലക്ഷ്മണാണ് ട്വീറ്റിലൂടെ ആദ്യം പങ്കുവച്ചത്.ഋഷഭ് പന്തിനായി പ്രാര്ത്ഥിച്ചുകൊണ്ടിരിക്കുന്നു. ഭാഗ്യവശാല് അദ്ദേഹം ഇപ്പോള് അപകടനില തരണം ചെയ്തു. പന്ത് വളരെ വേഗത്തില് സുഖം പ്രാപിക്കാന് ആശംസിക്കുന്നു. വേഗം ആരോഗ്യം വീണ്ടെടുക്കൂ ചാമ്പ്യാ… വിവിഎസ് ലക്ഷ്മണിന്റെ ട്വീറ്റ് ഇങ്ങനെ ആയിരുന്നു