പുല്ല് പറിക്കുന്നതിനിടെ കിണറ്റില്‍ വീണ വീട്ടമ്മയ്ക്ക് ദാരുണാന്ത്യം

സ്വന്തം ലേഖിക

കോഴിക്കോട്: കിണറ്റില്‍ വീണ് വീട്ടമ്മ മരിച്ചു.

എകരൂല്‍ അമ്മാങ്കോത്ത് നെല്ലുളിക്കോത്ത് റസിയയാണ് (43) മരിച്ചത്.

ശനിയാഴ്ച രാവിലെയാണ് സംഭവം.
വീടിനടുത്തുള്ള കിണറിന്റെ ചുറ്റുമുള്ള പുല്ല് പറിച്ച്‌ വൃത്തിയാക്കുന്നതിനിടെ അബദ്ധത്തില്‍ വീഴുകയായിരുന്നു.

ശബ്ദംകേട്ട സമീപവാസികള്‍ കിണറ്റിലിറങ്ങി പുറത്തെടുത്ത് ആശുപത്രിയിലെത്തിച്ചെങ്കിലും മരിച്ചു. നരിക്കുനിയില്‍ നിന്ന് അഗ്നിരക്ഷാസേനയും സ്ഥലത്തെത്തിയിരുന്നു.

പിതാവ്: പരേതനായ വട്ടപ്പൊയില്‍ അമ്മദ് കോയ. മാതാവ്: സൈനബ. സഹോദരങ്ങള്‍: ജഅ്ഫര്‍ നെല്ലുളിക്കോത്ത്, മുജീബ്, സുഹറ. കോഴിക്കോട് ഗവ. മെഡിക്കല്‍ കോളജില്‍ പോസ്റ്റ്മോര്‍ട്ടത്തിന് ശേഷം എകരൂല്‍ ജുമാമസ്ജിദ് ഖബര്‍സ്ഥാനില്‍ ഖബറടക്കി.