കൊച്ചി നെടുമ്പാശ്ശേരിയിൽ മദ്യലഹരിയില്‍ റെയില്‍പാളത്തില്‍ ഇരുന്നു ; യുവാവ് ട്രെയിൻ തട്ടി മരിച്ചു

കൊച്ചി: റെയില്‍വേ പാളത്തില്‍ യുവാവിനെ തീവണ്ടി തട്ടി മരിച്ച നിലയില്‍ കണ്ടെത്തി.

നെടുമ്പാശ്ശേരി വിമാനത്താവളത്തിന് സമീപത്തെ റെയിൽവേ ട്രാക്കിലാണ് സംഭവം.

എറണാകുളം പറവൂര്‍ സ്വദേശി അന്‍സല്‍ ഹംസയാണ് മരിച്ചത്. പരിക്കേറ്റ നിലയില്‍ കണ്ടെത്തിയ സുഹൃത്ത് പറവൂര്‍ സ്വദേശി ധര്‍മ്മജനെ ആശുപത്രിയില്‍ പ്രവേശിപ്പിച്ചു.

മദ്യലഹരിയില്‍ റെയില്‍പാളത്തില്‍ ഇരിക്കുമ്പോൾ ട്രെയിന്‍ വരികയായിരുന്നുവെന്ന് പരിക്കേറ്റ ധര്‍മജന്‍ പൊലീസിന് മൊഴി നല്‍കി. ഓടിമാറാനുള്ള ശ്രമം വിജയിച്ചില്ലെന്നും ധര്‍മ്മജന്‍ അറിയിച്ചു. സംഭവത്തില്‍ പൊലീസ് അന്വേഷണം തുടങ്ങി.