ആനുകൂല്യങ്ങൾ നിർത്തലാക്കി; വാണിജ്യാവശ്യങ്ങള്‍ക്കുള്ള പാചക വാതക സിലിണ്ടറിന്റെ വില വൻതോതിൽ ഉയരും

സ്വന്തം ലേഖിക

കോട്ടയം: വാണിജ്യാവശ്യങ്ങള്‍ക്കുള്ള പാചക വാതക സിലിണ്ടറിന്റെ വില വൻതോതിൽ ഉയരുന്നു.

കേന്ദ്ര മന്ത്രാലയത്തിൻ്റെ കീഴിലുള്ള പെട്രോളിയം കോർപ്പറേഷൻ വാണിജ്യാവശ്യങ്ങള്‍ക്കുള്ള പാചക വാതകത്തിന് നൽകിയിരുന്ന ആനുകൂല്യങ്ങളെല്ലാം നിർത്തലാക്കി.

മികച്ച പ്രവർത്തനം കാഴ്ച്ചവെച്ചിരുന്ന വിതരണക്കാർക്ക് കമ്പനികളിൽ നിന്ന് ആനുകൂല്യങ്ങൾ ലഭിച്ചിരുന്നതിനാൽ കടകൾക്കെല്ലം കുറഞ്ഞ വിലയിൽ പാചകവാതക സിലിണ്ടർ ലഭിച്ചിരുന്നു. ഈ നടപടിയാണ് ഇന്നലെ രാത്രി മുതൽ നിർത്തലാക്കിയത്.

രാജ്യത്തെ സാമ്പത്തിക മാന്ദ്യം നിയന്ത്രിക്കുന്നതിൻ്റെ ഭാഗമായാണ് സർക്കാരിൻ്റെ തീരുമാനം.

കടകളിൽ ഗാർഹികാവശ്യത്തിനുള്ള സിലിണ്ടറുകൾ ഉപയോഗിക്കുന്നതിനെതിരെയും ശക്തമായ നടപടി സ്വീകരിക്കും. സ്ഥാപന ഉടമകൾ ജി എസ് ടി ഉൾപ്പെടെയുള്ള ബില്ലുകൾ സൂക്ഷിക്കേണ്ടതാണ്.