തന്റെ കഥാപാത്രത്തിന്റെ പൂർണ്ണതയ്ക്കായി ശാരീരികമായി കഠിനാധ്വാനം ചെയ്യുന്ന ഒരു നടനാണ് രൺദീപ് ഹൂഡ. ഹൈവേ, സരബ്ജിത്ത് തുടങ്ങിയ ചിത്രങ്ങളിലെ താരത്തിന്റെ രൂപമാറ്റം വളരെയധികം ശ്രദ്ധ നേടിയിരുന്നു. രൺദീപ് ഇപ്പോൾ ഒരു പുതിയ കഥാപാത്രമാകാനുള്ള ശ്രമത്തിലാണ്. സ്വതന്ത്ര വീർസവർക്കർ എന്ന സിനിമയ്ക്കാണ് ഹൂഡയുടെ പുതിയ ലുക്ക്.
സവർക്കറുടെ ജീവിതത്തെ ആസ്പദമാക്കി മഹേഷ് മഞ്ജരേക്കർ സംവിധാനം ചെയ്യുന്ന ചിത്രമാണിത്. രൺദീപ് ഹൂഡ ടൈറ്റിൽ റോളിൽ പ്രത്യക്ഷപ്പെടും. സിനിമയ്ക്കായി ഇതുവരെ 18 കിലോ ഭാരം കുറച്ചതായി താരം പറഞ്ഞു. ശരീരഭാരം കുറയ്ക്കുന്നത് തുടരുമെന്നും അദ്ദേഹം പറഞ്ഞു.
സവർക്കറുടെ ലുക്കിലുള്ള രൺദീപിന്റെ ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറപ്രവർത്തകർ പുറത്തുവിട്ടിരുന്നു. ആനന്ദ് പണ്ഡിറ്റ്, സന്ദീപ് സിംഗ്, സാം ഖാൻ എന്നിവർ ചേർന്നാണ് ചിത്രം നിർമ്മിക്കുന്നത്. രൺദീപിന്റെ വരാനിരിക്കുന്ന മറ്റൊരു ചിത്രമാണ് അൺഫെയർ ആൻഡ് ലവ്ലി. ഇലിയാന ഡിക്രൂസാണ് ചിത്രത്തിലെ നായിക.
Whatsapp Group 1 | Whatsapp Group 2 |Telegram Group
