കോട്ടയം വാകത്താനത്ത് പ്രകൃതിവിരുദ്ധ പീഡനം ; പ്രതി അറസ്റ്റിൽ

കോട്ടയം: വാകത്താനത്ത് പ്രകൃതിവിരുദ്ധ പീഡനം നടത്തിയ പ്രതി അറസ്റ്റിൽ. പുത്തൻചന്ത റാപ്പുഴ പുന്നമൂട്ടിൽ ബിജുമോൻ എം.പി (48) നെയാണ് ചിങ്ങവനം പോലീസ് അറസ്റ്റ് ചെയ്തത്.

പതിനേഴുകാരനെ പ്രകൃതിവിരുദ്ധ പീഡനത്തിന് ഇരയാക്കിയെന്നതാണ് കേസ് . പീഡനവിവരം കുട്ടി തന്റെ ബന്ധുവിന്റെ വീട്ടില്‍ വിവരമറിയിക്കുകയായിരുന്നു.

തുടർന്ന് ബന്ധുവിന്റെ പരാതിയില്‍ ചിങ്ങവനം പോലീസ് കേസ് രജിസ്റ്റര്‍ ചെയ്ത് പ്രതിയെ അറസ്റ്റ് ചെയ്യുകയായിരുന്നു .

ചിങ്ങവനം എസ്.എച്ച്. ഓ ജിജു ടി. ആറിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത് . കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.