സ്വന്തം ലേഖിക
ന്യൂഡൽഹി: അഗ്നിപഥ് റിക്രൂട്ട്മെന്റിന് വിജ്ഞാപനമിറക്കി കരസേന.
ജൂലൈ മുതല് രജിസ്ട്രേഷന് ആരംഭിക്കും. കരസേനയില് ഡിസംബര് ആദ്യവാരവും ഫെബ്രുവരി 23 നുമായി രണ്ട് ബാച്ചുകളിലായി പരിശീലനം തുടങ്ങാനാണ് തീരുമാനം. പരിശീലനം പൂര്ത്തിയാക്കുന്നവര് 2023 പകുതിയോടെ സേനയുടെ ഭാഗമാകുമെന്ന് കരസേന മേധാവി മനോജ് പാണ്ഡെ ഇന്നലെ വ്യക്തമാക്കിയിരുന്നു.
Whatsapp Group 1 | Whatsapp Group 2 |Telegram Group
വ്യോമസേന വെള്ളിയാഴ്ചയും നാവികസേന ശനിയാഴ്ചയും കരട് വിജ്ഞാപനം പുറത്തിറക്കും.
അഗ്നിപഥിനെതിരെ പ്രതിഷേധം രൂക്ഷമാകാനുള്ള സാധ്യത കണക്കിലെടുത്ത് ഹരിയാന, ഉത്തര് പ്രദേശ്, ബിഹാര്, പഞ്ചാബ് അടക്കമുള്ള സംസ്ഥാനങ്ങളില് സുരക്ഷ ശക്തമാക്കിയിരിക്കുകയാണ്.
ബിഹാറില് സംസ്ഥാന പൊലീസിനും റെയില്വ പൊലീസിനും സര്ക്കാര് ജാഗ്രത നിര്ദേശം നല്കി. റെയില്വെ സ്റ്റേഷനുകള്ക്ക് കാവല് വര്ധിപ്പിച്ചുണ്ട്. യുപിയില് ഗൗതം ബുദ്ധ നഗറില് നിരോധനാജ്ഞ പ്രഖ്യാപിച്ചു.
അക്രമം നടത്തുന്നവര്ക്കെതിരെ കര്ശന നടപടിയെന്ന് പൊലീസ് അറിയിച്ചിട്ടുണ്ട്.
ജാര്ഖണ്ഡില് സ്കൂളുകള് അടച്ചിടാനാണ് തീരുമാനം.
