സർക്കാരിനെതിരെ വീണ്ടും എൻ.എസ്.എസ്; ജാതി തിരിവുണ്ടാക്കാൻ ശ്രമിക്കുന്നുവെന്ന് ആരോപണം

സ്വന്തം ലേഖകൻ

കോട്ടയം: ശബരിമല യുവതീപ്രവേശന വിഷയത്തിൽ സർക്കാരിനെതിരേ വീണ്ടും എൻഎസ്എസ്. സർക്കാർ ജാതി ചേരിതിരിവുണ്ടാക്കാൻ ശ്രമിക്കുവാണെന്ന് എൻഎസ്എസ്. നവോത്ഥാനവും ശബരിമല സ്ത്രീ പ്രവേശനവും തമ്മിലെന്ത് ബന്ധം രാഷ്ട്രീയനേട്ടം ഉണ്ടാക്കാമെന്ന് കരുതിയെങ്കിൽ സർക്കാരിന് തെറ്റിയെന്നും
ജനങ്ങളെ സർക്കാർ സവർണനെന്നും അവർണനെന്നും വേർതിരിക്കുകയാണെന്നും എൻഎസ്എസ് പറഞ്ഞു. ശബരിമലയിലെ യുവതീപ്രവേശന വിഷയം ചർച്ച ചെയ്യാൻ മുഖ്യമന്ത്രി ഇന്നലെ വിളിച്ച യോഗത്തിൽ നിന്ന് എൻഎസ്എസ് പിന്മാറിയിരുന്നു.സംസ്ഥാനത്തെ മുഴുവൻ നവോത്ഥാന സംഘടനകളുടേയും പ്രതിനിധികളെ സർക്കാർ യോഗത്തിലേക്ക് വിളിച്ചിരുന്നു. സുപ്രീംകോടതി വിധിക്കു ശേഷം സർക്കാരും ദേവസ്വം ബോർഡും സ്വീകരിച്ച നിലപാടിന്മേലാണ് ചർച്ച നടത്തിയത്.