വിവിധ വകുപ്പുകളിലേക്കുള്ള എല്‍ഡി ക്ലര്‍ക്ക്, ലാസ്റ്റ് ഗ്രേഡ് സെര്‍വന്റ്സ് സാധ്യതാ പട്ടിക മെയ് ആദ്യവാരം

സ്വന്തം ലേഖകൻ

തിരുവനന്തപുരം: വിവിധ വകുപ്പുകളിലേക്കുള്ള എല്‍ഡി ക്ലര്‍ക്ക്, ലാസ്റ്റ് ഗ്രേഡ് സെര്‍വന്റ്സ് സാധ്യതാ പട്ടിക മെയ് ആദ്യവാരം പിഎസ്സി പ്രസിദ്ധീകരിക്കും.

തിങ്കളാഴ്ച നടന്ന പിഎസ്സി യോഗത്തിലാണ് തീരുമാനം. മുന്‍ റാങ്ക് ലിസ്റ്റിലെ നിയമനത്തിന്റെ തോതനുസരിച്ചായിരിക്കും സാധ്യതാ പട്ടികയില്‍ ഉദ്യോഗാര്‍ഥികളുടെ എണ്ണം നിശ്ചയിക്കുക.

പ്രമാണ പരിശോധന പൂര്‍ത്തിയാക്കി മെയ് അവസാനമോ ജൂണ്‍ ആദ്യമോ പതിനാല് ജില്ലയിലെയും റാങ്ക് ലിസ്റ്റ് പ്രസിദ്ധീകരിച്ചേക്കും. കഴിഞ്ഞ ആഗസ്ത് എട്ടിന് ശേഷമുള്ള ഒഴിവുകളെല്ലാം പുതിയ റാങ്ക് ലിസ്റ്റില്‍നിന്നാണ് നികത്തുക.

എല്‍ഡിസി–-എല്‍ജിഎസ് റാങ്ക് ലിസ്റ്റ് പ്രസിദ്ധീകരിച്ച ഉടന്‍ പ്രാഥമിക പരീക്ഷ നടന്ന മറ്റു തസ്തികയിലേതും പ്രസിദ്ധീകരിക്കും.